తమ్ముడి కోసం ఊయల కట్టాడు... అదే అన్న ప్రాణం తీసింది

ఉయ్యాల మృత్యుపాశమైంది. సరదాగా తన తమ్ముడిని ఆడించేందుకు అన్నయ్య కట్టిన ఉయ్యాల అతడి ప్రాణం తీసింది. ఈ విషాదకర ఘటన హైదరాబాద్‌లోనియూసుఫ్ గుడాలో జరిగింది. మహబూబ్‌నగర్‌ జిల్లా నారాయణపేట మండలం, ఎల్లాసకి చెందిన జెట్టా పల్లెం నర్సింహ, అంజలి దంపతులు బతుకు దెరువుకోసం నగరానికి వచ్చారు. యూసుఫ్‌గూడ సమీపంలోని యాదగిరి నగర్‌లో నివాసం ఉంటున్నారు. వీరికి ఇద్దరు కొడుకులు. పెద్ద కొడుకు మల్లికార్జున్‌(7) మూడో తరగతి చదువుతున్నాడు. లాక్‌డౌన్‌ కారణంగా ఇంట్లోనే ఉంటున్నాడు. అయితే తల్లిదండ్రులిద్దరూ ఆస్పత్రికి వెళ్లారు. భర్తతో కలిసి దవాఖానకు వెళ్లే క్రమంలో పెద్దకొడుకుతో పాటు నాలుగేండ్ల చిన్నకొడుకును ఇంట్లోనే ఉంచి బయటనుంచి తాళం వేసింది తల్లి అంజలి. దీంతో ఇద్దరూ పిల్లలు ఇంట్లోనే ఆడుకుంటున్నారు. ఈ క్రమంలో ఉయ్యాలలో ఆడుకుంటూ ప్రమాదవశాత్తు మెడకు చుట్టుకుని బాలుడు మృతి చెందాడు. తమ్ముడితో కలిసి అడుకున్న మల్లికార్జున్‌ మంచానికి, కిటికీకి కలిపి చున్నీతో ఉయ్యాల కట్టాడు. ఉయ్యాలలో ఊగుతుండగా అది వడితిరిగి మల్లికార్జున్‌ మెడకు చుట్టుకుంది. దాంతో ఊపిరి ఆడక మృతి చెందాడు. Read More: అన్న కోసం తమ్ముడు కేకలు పెట్టాడు. అయితే ఇంటికి తాళం వేసి ఉండట, పక్కింట్లో కూడా ఎవరూ లేకపోవడంతో అతడి కేకలు ఎవరూ వినిపించుకోలేదు. సుమారు రెండు గంటల తర్వాత దవాఖాన నుంచి ఇంటికి తిరిగి వచ్చిన తల్లిదండ్రులకు చున్నీలో చిక్కుకుపోయి మృతి చెందిన కొడుకు కనిపించాడు. ఈ మేరకు పోలీసులు కేసు నమోదు చేసి మృతదేహాన్ని పోస్టుమార్టం నిమిత్తం మార్చురీకి తరలించారు.

from Telugu News | తెలుగు వార్తలు | Online Telugu News | Latest News in Telugu https://ift.tt/2GhEFRW