ఏపీలో కొత్త వివాదం: రైతులకు బేడీలు.. పోలీసుల తీరుపై విమర్శలు

గుంటూరు జిల్లాలో రైతుల చేతులకు బేడీలు వేయడంపై దుమారం రేగుతోంది. అమరావతి ప్రాంత వేసి కోర్టుకు, ఆ తర్వాత జైలుకు తీసుకెళ్లడంపై ప్రతిపక్షాలు మండిపడుతున్నాయి. ఉగ్రవాదులు, దొంగులు, దోపిడీదారుల్లా రైతులకు బేడీలు వేసి తీసుకెళతారా అంటూ ప్రజా సంఘాలు మండిపడుతున్నాయి.. ఇది మానవ హక్కుల ఉల్లంఘన అంటున్నాయి. సోషల్ మీడియాలో కూడా కొంతమంది నెటిజన్లు పోలీసుల తీరుపై మండిపడుతున్నారు. అసలు వివాదం ఏంటి? అమరావతి ప్రాంతంలో మూడు రాజధానులకు మద్దతుగా చేస్తున్న నిరసనకు హాజరయ్యేందుకు కొంతమంది ఆటోల్లో వస్తుండగా ఈనెల 23న కృష్ణాయపాలెం దగ్గర రాజధాని రైతులు అడ్డుకోవడంతో కొంత ఉద్రిక్తత ఏర్పడింది. అదే రోజు రాత్రి మంగళగిరి మండల వైఎస్సార్‌సీపీ ఎస్సీ సెల్‌ అధ్యక్షుడు ఈపూరి రవిబాబు పోలీసులకు ఫిర్యాదు చేశారు. గొడవ జరుగుతుంటే సర్దిచెప్పడానికి వెళ్లిన తనను రైతులు బెదిరించారని చెప్పారు. దీంతో 11 మందిపై పోలీసులు ఎస్సీ, ఎస్టీ అట్రాసిటీస్‌ చట్టం సహా, వివిధ సెక్షన్ల కింద కేసులు నమోదు చేశారు. వచ్చిన ఏడుగురిని అరెస్టు చేశారు. రాజధాని అమరావతి పరిధిలోని పెనుమాకకు చెందిన కె.అమర్‌బాబు, నంబూరు రామారావు, ఈపూరి సందీప్‌, కృష్ణాయపాలేనికి చెందిన ఈపూరి రవికాంత్‌, శొంఠి నరేష్‌, దానబోయిన బాజీ, ఈపూరి కిశోర్‌లను పోలీసులు ఈ నెల 24న సంతకాలు పెట్టించి పంపుతామని స్టేషన్‌కు పిలిపించి, అరెస్టుచేశారు. తర్వాత ఫిర్యాదు ఇచ్చిన రవిబాబు పోలీసుస్టేషన్‌కు వెళ్లి.. ఎవరిపైనా కేసు వద్దని.. ఫిర్యాదు వెనక్కి తీసుకుంటున్నానని చెప్పారు.. కానీ రైతులను అప్పటికే పోలీసులు రిమాండ్‌కి తరలించారు. మొత్తం 11 మందిలో ఏడుగురిని అరెస్టుచేసి కోర్టులో ప్రవేశపెట్టారు.. కోర్టు వారికి రిమాండ్‌ విధించింది. రైతుల్ని ముందు నరసరావుపేట సబ్‌జైలుకు, అక్కడినుంచి మంగళవారం గుంటూరు జిల్లా జైలుకు తరలించారు. ఆ క్రమంలో వారి చేతులకు సంకెళ్లు వేసి తీసుకురావడం తీవ్ర విమర్శలకు దారితీసింది. అరెస్టయిన ఏడుగురిలో ఐదుగురు ఎస్సీలు, ఇద్దరు బీసీలు. ఎస్సీలపైనే ఎస్సీ, ఎస్టీ అట్రాసిటీ చట్టం కింద కేసు పెట్టడం, పైగా బేడీలు వేసి తీసుకురావడంతో ఎస్సీ సంఘాలు, రైతుసంఘాలు, పలు పార్టీలు ఆగ్రహం వ్యక్తం చేస్తున్నాయి. అమరావతి రైతుల పట్ల పోలీసుల తీరుపై మాజీ ముఖ్యమంత్రి, అధినేత చంద్రబాబు మండిపడ్డారు. రాజధానికి భూములిచ్చిన ఎస్సీ, బీసీ రైతులపై పోలీసులు పెట్టిన అక్రమ కేసులను ఉపసంహరించుకోకపోగా వారికి సంకెళ్లు వేయటం మానవహక్కుల ఉల్లంఘనే అన్నారు. రైతులపై ఎస్సీ ఎస్టీ అట్రాసిటీ కేసు పెట్టవద్దని వారిపై ఫిర్యాదు చేసిన ఈపూరి రవిబాబే పోలీసులను కోరారని.. కానీ కేసులను ఉపసంహరించకుండా అన్నదాతలకు సంకెళ్లు వేయడం సరికాదన్నారు.

from Telugu News | తెలుగు వార్తలు | Online Telugu News | Latest News in Telugu https://ift.tt/3jznGYV