ఇండేన్ గ్యాస్ వినియోగదారులకు అలర్ట్.. ఆ నెంబర్ మారింది

వినియోగదారులకు ముఖ్యమైన అలర్ట్. నవంబర్‌ 1 నుంచి ఇండేన్‌ గ్యాస్‌ వినియోగదారులు దేశంలో ఎక్కడ నుంచి అయినా 7718955555 నంబర్‌ ద్వారానే బుకింగ్‌ చేసుకోవాల్సి ఉంటుంది. ఈ విషయాన్ని ఇండియన్‌ ఆయిల్‌ డీజీఎం (ఎల్‌పీజీ) ఎల్‌పీ ఫులిజిలే తెలిపారు. ఆయన విజయవాడలో ఈ ప్రకటన చేశారు. డీలర్ల దగ్గర నమోదు చేసుకున్న ఫోన్‌ నంబర్ల నుంచి ఎస్‌ఎంఎస్‌ లేదా ఐవీఆర్‌ విధానంలో సిలిండర్‌ బుక్‌ చేసుకోవచ్చని తెలిపారు. ప్రజలు ఈ మార్పును గమనించాలని సూచించారు. మొబైల్‌ నంబర్లు నమోదు చేసుకోని ఇండేన్ గ్యాస్ వినియోగదారులు.. 16 అంకెల గ్యాస్‌ కనెక్షన్‌ నంబర్‌ నమోదు చేయడం ద్వారా బుక్‌ చేసుకోవాలి అన్నారు. అలాగే 75888 88824 నంబర్‌కు వాట్సాప్‌ ద్వారా రీఫిల్‌ బుక్‌ చేసుకునే సదుపాయాన్ని కల్పించినట్టు తెలిపారు. ఇండియన్‌ ఆయిల్‌ వన్‌ యాప్‌ ద్వారా కూడా గ్యాస్‌ బుకింగ్, ఆన్‌లైన్‌ పేమెంట్‌ సేవలు పొందవచ్చన్నారు. ఈ మార్పుల్ని గమనించి తమకు సహకరించాలని కోరారు.

from Telugu News | తెలుగు వార్తలు | Online Telugu News | Latest News in Telugu https://ift.tt/3oL8Lym