జగన్ సర్కార్ 6 నెలలకే రూ.55 వేల కోట్ల అప్పులు.. కాగ్ నివేదికే చెబుతోంది: పట్టాభి

రాష్ట్ర కాగ్ నివేదికలు చూస్తే సీఎం వైఎస్ జగన్ మోహన్ రెడ్డి ఇస్తున్న షాక్‌లు ప్రజలకు అర్థమవుతాయన్నారు జాతీయ అధికార ప్రతినిధి నేత పట్టాభిరామ్. సెప్టెంబర్‌లో రాష్ట్రంపై రూ.8 వేల 38 కోట్ల భారం మోపారని.. ప్రస్తుత ఆర్థిక సంవత్సరంలో మొదటి 6 నెలలకే రూ.55 వేల 189 కోట్ల అప్పు చేశారన్నారు. ఈ ఒక్క ఆర్థిక ఏడాదిలోనే ప్రభుత్వ అప్పులు రూ.లక్షా 11 వేల కోట్లకు చేరుకొనే అవకాశం ఉంటుంది అన్నారు. జగన్ రాష్ట్ర ప్రజలకు నెలకొక షాక్ ఇస్తున్నారన్నారు పట్టాభి. రాష్ట్ర కాగ్ నివేదకలు చూస్తే జగన్ ఇస్తున్న షాక్‌లు అందరికీ అర్థమవుతుందని.. నెల నెల కాగ్ విడుదల చేస్తున్న జగన్ అప్పుల ప్రోగ్రెస్ కార్డులు రాష్ట్ర ప్రజలపై గుది బండల్లా పడుతున్నాయన్నారు. జగన్ ప్రభుత్వం ఒక్క సెప్టెంబర్ నెలలోనే రూ.8,038కోట్లు అప్పు భారాన్ని రాష్ట్రంలోపై మోపారని.. 2020-21 ఆర్థిక సంవత్సరంలో మొదటి ఆరు నెలల కాలానికి అది ఎక్కడికి పోతుందో ఊహించుకోవాలంటేనే భయంగా ఉందన్నారు. కాగ్ నివేదికలను పరిశీలించి వీటిని అంచనా వేస్తే ఈ ఒక్క ఆర్థిక సంవత్సరంలోనే వైఎస్సార్‌సీపీ ప్రభుత్వ అప్పులు దాదాపు రూ.1,11,000 కోట్లకు చేరుకునే అవకాశం ఉందన్నారు. 2014-2019 వరకు ఐదేళ్లకు టీడీపీ ప్రభుత్వం 1,25,000 కోట్లు అంటే సరాసరి ఏడాదికి రూ.25వేల కోట్లు మాత్రమే.. ఐదేళ్లలో టీడీపీ ప్రభుత్వం చేసిన అప్పుగు జగన్ ఒక్క ఆర్థిక సంవత్సరంలోనే చేస్తున్నారన్నారు అప్పుల్ని కప్పి పుచ్చుకోవడానికి కరోనా భారంతో ఇతర రాష్ట్రాలు కూడా అప్పులు చేస్తున్నాయని వైఎస్సార్‌సీపీ ప్రభుత్వం చెబుతోందన్నారు. ఆంధ్రప్రదేశ్ అప్పులు పొరుగు రాష్ట్రాల మొదటి ఆరు నెలల అప్పులతో పోలిస్తే ఏపీ రెండున్నర రెట్లకు పైగానే అప్పులు చేసిందన్నారు. తెలంగాణ ప్రభుత్వం ర.26,060 కోట్లు, తమిళనాడు రూ.31,512 కోట్లు, కర్ణాటక రూ.16,078 కోట్లు, కేరళ రూ.28,773 కోట్లు అప్పులు చేయగా.. ఏపీలో రూ.55,169 కోట్లు అప్పులు చేసి కరోనా కారణం చెప్పడం హాస్యాస్పదం అన్నారు. పొరుగు రాష్ట్రాల్లో కూడా కరోనా ప్రభావం తీవ్రంగా ఉన్నప్పటికీ ఏపీ చేసినంతగా వాళ్లు అప్పులు చేయలేదని చెప్పుకొచ్చారు. తమిళనాడు, తెలంగాణ రాష్ట్రాలు చేసినంత అప్పు ఒక్క ఏపీలో చేయడం గమనర్హం. 13 జిల్లాలో ఆంధ్రప్రదేశ్‌కు రెండు రాష్ట్రాలకు సమానమైన అప్పు చేయంపై జగన్ ఏం సమాధానం చెబుతున్నారన్నారు. ఈ ఆర్థిక సంవత్సరం మొదటి ఆరు నెలల కాలానికి ఏపీ రెవెన్యూ డెఫిసిట్ రూ.45,472కోట్లు అన్నారు. రాష్ట్ర విభజన సమయంలో రాష్ట్ర ఆర్థిక లోటు రూ.16వేల కోట్లు ఉంది. చంద్రబాబు ముఖ్యమంత్రిగా బాధ్యతలు స్వీకరించి అత్యంత సమర్థవంతంగా పరిపాలన చేసి 2019 నాటికి రూ.2వేల కోట్ల ఆర్థిక లోటును తగ్గించి.. దానిని సుమారుగా రూ.14వేల కోట్లకు తగ్గించారన్నారు. కానీ జగన్ చేతగాని తనంతో రాష్ట్ర ఆర్థిక లోటు ఈ ఆర్థిక సంవత్సరంలోనే దాదాదు మూడు రెట్లు పెంచి రూ.16వేల కోట్లను రూ.45,472 కోట్లు పెంచేశారన్నారు. అభివృద్ది కార్యక్రమాలపై ఖర్చు చేయకుండా తెస్తున్న అప్పులు కూడా దోచుకు తినడానికే అన్నట్లు ఉన్నాయన్నారు. జగన్ అధికారం చేపట్టిన నాటి నుంచి ఒక్క ప్రాజెక్ట్ పూర్తి చేయలేదని.. భారీ వర్షాలతో పంటలు నష్టపోయిన రైతులకు ఒక్క రూపాయి సాయం చేయలేదన్నారు. వేల కోట్ల రూపాయల అప్పు చేసి మరీ తెచ్చిన సొమ్మంతా జగన్ అవినీతికే ఆవిరైపోతోందన్నారు.

from Telugu News | తెలుగు వార్తలు | Online Telugu News | Latest News in Telugu https://ift.tt/2HPwlcA