వారసుడిగా సినీ ఎంట్రీ ఇచ్చిన .. సక్సెస్‌ఫుల్ కెరీర్ కొనసాగిస్తూ ప్రతి సినిమాకు పరిణితి చెందుతున్నారు. పాత్రల్లో విలక్షణత, అభినయంలో పరిపక్వత ఈ రెండూ చెర్రీ సినిమాల్లో మెండుగా కనిపిస్తున్నాయి. మెగా పవర్ స్టార్‌గా అశేష అభిమాన వర్గాన్ని సంపాదించుకున్న ఈ హీరో తాజాగా ఓ సినిమా కోసం రిస్క్ చేయబోతున్నారట. అది కూడా తండ్రి చిరంజీవి కోసం అని తెలుస్తుండటం ఆసక్తిరేకెత్తిస్తోంది. మెగాస్టార్ చిరంజీవి- కొరటాల శివ కాంబోలో '' మూవీ రూపొందుతున్న సంగతి తెలిసిందే. ఈ మూవీలో చిరు సరసన కాజల్ అగర్వాల్ హీరోయిన్‌గా నటిస్తుండగా.. రామ్ చరణ్ కీలకపాత్ర పోషించనున్నారు. లాక్‌డౌన్ కారణంగా వాయిదాపడ్డ షూటింగ్ మరికొద్ది రోజుల్లో ప్రారంభం కానుందని తెలుస్తోంది. ఈ క్రమంలో ఇందులో చెర్రీ క్యారెక్టర్, మేకోవర్ గురించిన ఓ ఆసక్తికర వార్త సోషల్ మీడియాలో చక్కర్లు కొడుతోంది. చరణ్ పోషించే పాత్ర సినిమాకే హైలైట్ కానుందని, ఇందుకోసం ఆయన రిస్క్ చేస్తున్నారని టాక్ నడుస్తోంది. Also Read: 'ఆచార్య' మూవీలో రామ్ చరణ్ రోల్ దాదాపు ముప్పై నిమిషాల పాటు ఉంటుందని, నక్సలైట్‌గా ఆయన ఓ విలక్షణమైన పాత్ర పోషించనున్నారని తెలుస్తోంది. అయితే ఈ పాత్ర గురించి జనం నోళ్ళలో నానుతున్న క్రేజీ న్యూస్ ఏంటంటే.. ఈ రోల్ కోసం చరణ్ లావుగా తయారవుతున్నారట. ఈ లుక్ కోసం ఇప్పటికే ప్రయత్నాలు మొదలుపెట్టిన చెర్రీ.. ఈ సినిమాలో నటించాకే తిరిగి తన RRR సెట్స్ మీదకు వెళ్లనున్నారని టాక్. ఏదిఏమైనా ఓ యంగ్ హీరో ఇలా కేవలం ముప్పై నిమిషాల పాత్ర కోసం లావు కావడం అనేది నిజంగా పెద్ద సాహసమే అని చెప్పుకోవాలి. ఇకపోతే RRR మాత్రం మాత్రం రామ్ చరణ్ ఫిట్‌గా దర్శనమివ్వనున్నాడు. అల్లూరి సీతారామరాజుగా మెగా అభిమానులకు వెండితెర విందు ఇవ్వనున్నారు. రాజమౌళి రూపొందిస్తున్న ఈ ప్రతిష్టాత్మక సినిమాలో కొమురం భీంగా ఎన్టీఆర్ నటిస్తున్నారు. ఈ మూవీపై మెగా, నందమూరి అభిమానులు భారీ అంచనాలు పెట్టుకున్నారు.
from Telugu News | తెలుగు వార్తలు | Online Telugu News | Latest News in Telugu https://ift.tt/33647CD
Comments
Post a Comment