గుడ్ న్యూస్.. భారీగా పతనమైన బంగారం ధర.. రూ.7 వేలకు పైగా పడిపోయిన వెండి.. లేటెస్ట్ రేట్లు ఇలా!

బంగారం ధర పడిపోయింది. భారీగా దిగొచ్చింది. వెలవెలబోయింది. బంగారం కొనుగోలు చేయాలని భావించే వారికి ఇది ఊరట కలిగించే అంశమని చెప్పుకోవచ్చు. బంగారం ధర బాటలోనే వెండి కూడా నడిచింది. గ్లోబల్ మార్కెట్‌లో పసిడి పడిపోవడంతో మన దేశంలోనూ బంగారం ధరలపై ప్రతికూల ప్రభావం పడింది. హైదరాబాద్ మార్కెట్‌లో ఈవారం బంగారం ధర భారీగా దిగొచ్చింది. 10 గ్రాముల 24 క్యారెట్ల బంగారం ధర రూ.1,450 పడిపోయింది. దీంతో ధర రూ.52,370కు క్షీణించింది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.1,200 పతనమైంది. దీంతో ధర రూ.48,050కు దిగొచ్చింది. Also Read: పసిడి ధర వెలవెలబోతే.. వెండి ధర కూడా ఇదే దారిలో నడిచింది. ఈ వారం భారీగానే పతనమైంది. కేజీ వెండి ధర ఏకంగా రూ.7,700 పతనమైంది. దీంతో వెండి ధర రూ.59,300కు దిగొచ్చింది. పరిశ్రమ యూనిట్లు, నాణేపు తయారీదారుల నుంచి డిమాండ్ పడిపోవడం ఇందుకు ప్రధాన కారణంగా చెప్పుకోవచ్చు. Also Read: మరోవైపు అంతర్జాతీయ మార్కెట్‌లో కూడా బంగారం ధర వెలవెలబోయింది. బంగారం ధర ఔన్స్‌కు 0.68 శాతం క్షీణతతో 1864 డాలర్లకు తగ్గింది. బంగారం ధర తగ్గితే వెండి ధర కూడా ఇదే దారిలో నడిచింది. వెండి ధర ఔన్స్‌కు 0.95 శాతం తగ్గుదలతో 22.97 డాలర్లకు దిగొచ్చింది. ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.

from Telugu News | తెలుగు వార్తలు | Online Telugu News | Latest News in Telugu https://ift.tt/30aawL9