మరోసారి దాతృత్వాన్ని చాాటుకున్న సోనూ.. జేఈఈ, నీట్ విద్యార్థులను పరీక్షా కేంద్రానికి తరలిస్తానని హామీ

కోవిడ్-19 సంక్షోభం కారణంగా వలస కార్మికులు, పేదలు ఎదుర్కొన్న కష్టాలను చూసి చలించిపోయి వేలాది మందికి ఆపన్న హస్తం అందించిన వెండితెర విలన్ సోనూసూద్.. నిజజీవితంలో మాత్రం హీరోగా నిలిచారు. కష్టాల్లో ఉన్నామని చిన్న మెసేజ్ చేస్తే చాలు నేనున్నానంటూ అక్కున చేర్చుకుని, వారికి చేతనైనంత సాయం చేస్తూ ప్రశంసలందుకుంటున్న మరోసారి తన దాతృత్వాన్ని చాటుకున్నారు. సెప్టెంబరు 1 నుంచి జరిగే నీట్‌-జేఈఈలకు హాజరయ్యే విద్యార్థులకు ఎటువంటి ఇబ్బందులు ఎదురుకాకుండా వారిని పరీక్షా కేంద్రాలకు తరలిస్తానని ఆయన హామీ ఇచ్చారు. ఈ మేరకు ఆయన ట్విట్టర్, ఇన్‌స్ట్రాగ్రామ్‌లో వెల్లడించారు. ‘నీట్‌-జేఈఈలకు హాజరయ్యే విద్యార్థులు పరీక్షకు వెళ్లేటపుడు ఎక్కడైనా ఇరుక్కుపోతే నాకు తెలియజేయండి. మీరు మీ పరీక్షా కేంద్రాలకు చేరుకునేలా నేను సాయం అందిస్తాను. వనరుల కొరతతో ఎవరూ పరీక్షలను మిస్‌ కావద్దు.. ఒకవేళ నీట్-జేఈఈ వాయిదా పడకపోతే ’ అంటూ ఓ పోస్ట్ చేశారు. ఇది విద్యార్థులకుమాత్రమే పరీక్ష కాదని, ప్రభుత్వానికీ పరీక్షే అని ఆయన పేర్కొ న్నారు. ‘ప్రస్తుత పరిస్థితుల్లో నీట్, జేఈఈలను కేంద్ర ప్రభుత్వం వాయిదా వేయాలని అభ్యరిస్థున్నాను.. కోవిడ్-19 విజృంభణ సమయంలో చాలా అప్రమత్తంగా ఉండాలి.. విద్యార్థుల జీవితాలను ప్రమాదంలో నెట్టవద్దు.. పరీక్షను 60రోజులపాటు వాయిదావేసే అధికారం ప్రభుత్వానికి ఉందని, ఇది జరిగి, విద్యార్థుల ముఖంపై చిరునవ్వును చూడాలి’ అని ఆయన ఆశించారు. ‘JEE_NEET జరిగితే ఇటీవల బీహార్, అసోం, గుజరాత్‌లో సంభవించిన వరద ప్రాంతాల్లోని విద్యార్థులందరూ ప్రయాణ వివరాలను నాకు తెలియజేయండి. వారు పరీక్షా కేంద్రాలకు చేరుకోవడానికి ఏర్పాట్లు చేయడానికి ప్రయత్నిస్తాను. వనరుల కొరత కారణంగా పరీక్షలను ఎవరూ కోల్పోకూడదు’ అని సోనూ ట్విట్టర్‌లో పేర్కొన్నారు. ఆయన ట్వీట్‌కు కొద్ది గంటల్లోనే లక్షకుపైగా లైకులు వచ్చాయి. మరోవైపు జేఈఈ-నీట్‌ పరీక్ష నిర్వహణపై దేశవ్యాప్తంగా చర్చ జరుగుతోంది. పరీక్షను వాయిదా వేయాలని ప్రతిపక్షాలు, పలువురు మేధావులు అభిప్రాయపడుతున్నారు. సెప్టెంబరు 1 నుంచి 6 వరకు జేఈఈ 2020 పరీక్షకు షెడ్యూల్‌ను వెలువరించగా.. అదే నెల 13న నీట్‌ పరీక్షకు షెడ్యూల్‌ను ప్రకటించారు.

from Telugu News | తెలుగు వార్తలు | Online Telugu News | Latest News in Telugu https://ift.tt/34I0lQV