గుంటూరు: ప్రియురాలికి వీడియో కాల్ చేసి ఉరి వేసుకున్నడు.. ఇంతలో ట్విస్ట్

గుంటూరు జిల్లాలో యువకుడి ఆత్మహత్య కలకలంరేపింది. ప్రియురాలికి వీడియో కాల్ చేసిన అతడు ఆత్మహత్య చేసుకుంటున్నట్లు చెప్పాడు. భయపడిన యువతి వెంటనే ప్రియుడి తండ్రికి ఫోన్ చేసింది.. ఇంతలోనే జరగాల్సిన ఘోరం జరిగిపోయింది. ముప్పాళ్ల మండలం ఇరుకుపాలెంకు చెందిన రేగళ్ల ఇమ్మానియేలు సత్తెనపల్లిలో ఉన్న ఓ ప్రైవేట్‌ కాలేజీలో డిగ్రీ ఫైనలియర్ చదువుతున్నాడు. అదే కాలేజీలో ఓ విద్యార్థినితో ప్రేమలో పడ్డాడు.. కొన్ని నెలల క్రితం ప్రేమ విషయం తల్లిదండ్రులకు తెలిసింది. దీంతో ఇద్దరం ప్రేమికుల్లా కాకుండా జీవితాంతం స్నేహితుల్లా ఉందామని ఇంట్లో పెద్దలు చెప్పిన వారిని పెళ్లి చేసుకుందామని ఆ యువతి ఇమ్మానియేలుకు చెప్పింది. అతడు మాత్రం పెళ్లంటూ చేసుకుంటే 'నిన్నే' చేసుకుంటానంటూ ప్రియురాలికి ఫోన్లు చేస్తూనే ఉన్నాడు. ఇంతలోనే యువతికి పెళ్లి చేద్దామని తల్లిదండ్రులు సంబంధాలు చూస్తున్నారు. విషయం ఇమ్మానియేలుకు తెలియడంతో మనస్తాపంతో శుక్రవారం రాత్రి ప్రియురాలికి వీడియో కాల్‌ చేశాడు. తన ప్రేమ విఫలమైందని ఉరి వేసుకుని చనిపోతున్నానని చెప్పాడు. వెంటనే ఆ యువతి యువకుడి తండ్రికి ఫోన్‌ చేసి చెప్పింది.. ఇంతలోనే ఘోరం జరిగింది. అతడు ఇంట్లోనే ఉరి వేసుకుని ప్రాణాలు తీసుకున్నాడు. యువకుడి మరణం అతడి కుటుంబంతో పాటూ స్నేహితుల్లో తీవ్ర విషాదాన్ని నింపింది.

from Telugu News | తెలుగు వార్తలు | Online Telugu News | Latest News in Telugu https://ift.tt/34KXYNm