హెచ్‌డీఎఫ్‌సీ బ్యాంక్ కస్టమర్లకు షాక్.. బ్యాంక్ కీలక నిర్ణయం!

ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ బ్యాంక్ తాజాగా తన కస్టమర్లకు షాకిచ్చింది. కీలక నిర్ణయం తీసుకుంది. దీంతో కస్టమర్లపై నేరుగానే ప్రభావం పడనుంది. హెచ్‌డీఎఫ్‌సీ బ్యాంక్ ఫిక్స్‌డ్ డిపాజిట్లపై వడ్డీ రేట్లు తగ్గించింది. ఐదేళ్ల వరకు కాల పరిమితిలోని ఎఫ్‌డీలకు ఇది వర్తిస్తుంది. హెచ్‌డీఎఫ్‌సీ బ్యాంక్ ఎఫ్‌డీ రేట్ల తగ్గింపు నిర్ణయం ఆగస్ట్ 25 నుంచే అమలులోకి వచ్చింది. హెచ్‌డీఎఫ్‌సీ బ్యాంక్ వడ్డీ రేట్ల తగ్గింపు వల్ల ఇప్పుడు 7 రోజుల నుంచి 29 రోజుల ఎఫ్‌డీలపై 2.5 శాతం వడ్డీ మాత్రమే లభిస్తుంది. 30 రోజుల నుంచి 90 రోజుల ఎఫ్‌డీలపై 3 శాతం వడ్డీ పొందొచ్చు. Also Read: 91 రోజుల నుంచి 6 నెలల కాల పరిమితిలోని ఎఫ్‌డీలపై వడ్డీ రేటు 0.5 శాతం తగ్గింది. దీంతో ఇప్పుడు ఈ ఎఫ్‌డీలపై 4 శాతం వడ్డీ కాకుండా 3.5 శాతం వడ్డీ మాత్రమే లభిస్తుంది. 9 నెలల నుంచి ఏడాది కాల పరిమితిలోని ఎఫ్‌డీలపై 4.5 శాతం వడ్డీ కాకుండా 4.4 శాతం వడ్డీ వస్తోంది. 2 ఏళ్ల నుంచి 3 ఏళ్ల కాల పరిమితిలోని ఫిక్స్‌డ్ డిపాజిట్లపై 5.15 శాతం వడ్డీ లభిస్తోంది. అదే 3 ఏళ్ల నుంచి 5 ఏళ్ల కాల పరిమితిలోని ఎఫ్‌డీలపై వడ్డీ రేటు 5.3 శాతంగా ఉంది. ఇకపోతే దీర్ఘకాల ఫిక్స్‌డ్ డిపాజిట్ల విషయానికి వస్తే.. 5 ఏళ్ల నుంచి పదేళ్ల ఎఫ్‌డీలపై 5.5 శాతం వడ్డీ పొందొచ్చు. సీనియర్ సిటిజన్స్‌కు 0.5 శాతం ఎక్కువ వడ్డీ లభిస్తుంది. వీళ్లు 3.5 శాతం నుంచి 6.25 శాతం మధ్యలో వడ్డీ పొందొచ్చు.

from Telugu News | తెలుగు వార్తలు | Online Telugu News | Latest News in Telugu https://ift.tt/3b1zQaa