గుంటూరులో దారుణం జరిగింది. ఓ మహిళ తన 9 నెలల బిడ్డను అపార్ట్మెంట్ పై నుంచి తోసేసింది. తర్వాత తాను కూడా పై నుంచి దూకేసింది. ప్రకాశం జిల్లా పర్చూరు మండలం అన్నంబొట్లవారిపాలెంకు నర్రా కల్యాణ్‌ చంద్ర.. అదే జిల్లా జె పంగులూరుకు చెందిన మనోజ్ఞకు మూడేళ్ల క్రితం వివాహం జరిగింది. కల్యాణ్‌ చంద్ర మెరైన్‌ ఇంజనీర్‌ కావడంతో కార్గో షిప్‌లో ఉద్యోగం కావడంతో డ్యూటీకి వెళ్లి ఐదారు నెలలకు ఒకసారి ఇంటి వస్తుంటాడు. మనోజ్ఞ బీటెక్‌ చదివి ఇంటి దగ్గరే ఉంటోంది. ఈ జంటకు తొమ్మిది నెలల చిన్నారి తులసి ఉంది. .పెళ్లి అయిన తర్వాత కల్యాణ్‌, మనోజ్ఞ హైదరాబాద్‌లోని యూస్‌ఫగూడలో ఉండేవారు. పాప పుట్టాక గత జనవరిలో గుంటూరులో ఉంటున్న అత్తమామల అపార్టుమెంటుకు వచ్చారు. గుంటూరులోని ఇంట్లో కల్యాణ్‌, మనోజ్ఞతోపాటు అత్తమామలు శ్రీమన్నారాయ ణ, కామేశ్వరి, కల్యాణ్‌ చంద్ర నాయనమ్మ రామతులసి ఉంటున్నారు. శనివారం ఉదయం 7.30 గంటల సమయంలో కూతురు తులసిని తీసుకొని.. మనోజ్ఞ అపార్ట్మెంట్ పైకి వెళ్లింది. కొద్దిసేపటికే పెద్ద చప్పుడు కావడంతో వాచ్‌మెన్‌ వచ్చి చూశాడు. మెయిన్‌ గేటు దగ్గర తులసి, ప్రహరీగోడకు అపార్టుమెంట్‌కు మధ్యలో గేటు పక్కనే మనోజ్ఞ తీవ్రగాయాలతో పడి ఉన్నారు. ఇంతలో కల్యాణ్‌చంద్ర కిందకు వచ్చాడు. అప్పటికే చిన్నారి చనిపోగా, ఆస్పత్రికి తీసుకెళ్లిన కొద్దిసేపటికే మనోజ్ఞ కూడా కన్నుమూశారు. భర్త, అత్తమామల వేధింపులే తన కుమార్తె చనిపోయిందని మనోజ్ఞ తల్లిదండ్రులు ఆరోపిస్తున్నారు. పట్టాభిపురం పోలీస్‌ స్టేషన్‌లో వారిపై ఫిర్యాదు చేశారు. పోలీసులు కేసు నమోదు చేసి దర్యాప్తు ప్రారంభించారు.
from Telugu News | తెలుగు వార్తలు | Online Telugu News | Latest News in Telugu https://ift.tt/2Dfb6yW
Comments
Post a Comment