నవీ ముంబయికి చెందిన ఆర్కే సింఘాల్‌నే వ్యక్తి 25 ఏళ్ల కిందట 1000 చదరపు అడుగుల ఫ్లాట్ కోసం సుదార్ధ్ కనస్ట్రక్షన్స్‌కు రూ .8.2 లక్షలు చెల్లించాడు. అయితే, సదరు బిల్డర్ తనకు ఫ్లాట్ అందజేయకపోవడంతో సింఘాల్ వినియోగదారుల ఫోరంలో ఫిర్యాదు చేశాడు. ఈ ఫిర్యాదుపై విచారణ చేపట్టిన రాష్ట్ర వినియోగదారుల ఫోరం 2014లో తీర్పును వెలువరించింది. సింఘాల్‌కు అసలు, వడ్డీ కలిపి మొత్తం 39.4 లక్షలు చెల్లించాలని ఆదేశించింది. ఈ ఉత్తర్వులను తొలుత అంగీకరించిన బిల్డర్.. సింఘాల్‌కు డబ్బు చెల్లించడానికి నిరాకరించాడు. దీంతో బాధితుడు దీనిపై జాతీయ వినియోగదారుల ఫోరంలో ఫిర్యాదు చేశాడు. తాజాగాా, అంశంపై విచారణ చేపట్టిన జాతీయ కమిషన్. ఇటీవలే తీర్పును వెలువరించింది. బాధితుడికి రూ .47.6 లక్షలు పరిహారం చెల్లించాలని కమిషన్ ఆదేశించింది. ‘బాధితుడికి మొత్తం రూ.47.6 లక్షలు చెల్లించాలి.. ఈ మొత్తాన్ని 45 రోజుల్లోనే అందజేయాలి.. అలా కాని పక్షంలో ఉత్తర్వులు జారీచేసిన తేదీ నుంచి ఏడాదికి 6 శాతం అదనపు వడ్డీతో చెల్లించాల్సి ఉంటుంది’ అని తన ఉత్తర్వుల్లో పేర్కొంది. రాష్ట్ర కమిషన్ సింఘాల్‌కు పరిహారం మంజూరు చేయగా, 2014 లో నిర్మించిన ఫ్లాట్‌ను స్వాధీనం చేసుకోవాలన్న ఆయన విజ్ఞప్తిని అంగీకరించలేదు. 2001లో ఫిర్యాదు చేసిన చాలా సంవత్సరాల తరువాత ఫ్లాట్ డిమాండ్ చేసినందున ఆ అర్హత లేదని రాష్ట్ర కమిషన్ ఇచ్చిన తీర్పుతో జాతీయ కమిషన్ ఏకీభవించింది. రాష్ట్ర కమిషన్‌లో ఫిర్యాదుచేసినప్పుడు తనకు కేవలం పరిహారం మాత్రమే కావాలని సింఘాల్ కోరారు. తనకు ఫ్లాట్ కావాలని 2015 జూన్‌లో కేసు తుది దశలో ఉన్నప్పుడు మాత్రమే ఫిర్యాదును సవరించాడు. జాతీయ కమిషన్ సింఘాల్ సవరణ ఫిర్యాదును అనుమతించినప్పుడు, రాతపూర్వక ప్రకటనను దాఖలు చేయడానికి బిల్డర్‌కు కూడా అవకాశం ఇవ్వాలి. ప్రస్తుత సందర్భంలో, ఈ విధంగా రాష్ట్ర కమిషన్ ఆదేశించలేదు. అందువల్ల, సవరించిన ఫిర్యాదులోని అంశాన్ని స్పష్టంగా పరిగణించలేము అని వ్యాఖ్యానించింది. భవనం పూర్తయినప్పటికీ, కోస్టల్ రెగ్యులేటరీ జోన్ రెగ్యులేషన్ ఉల్లంఘనల కారణంగా 2015లో కూడా ఆక్యుపేషన్ సర్టిఫికెట్ ఆలస్యం అయిందని జాతీయ కమిషన్ సూచించింది.
from Telugu News | తెలుగు వార్తలు | Online Telugu News | Latest News in Telugu https://ift.tt/32E9ibb
Comments
Post a Comment