ఇదేం ట్విస్ట్: పోర్టులు లేని తెలంగాణ 6వ ప్లేస్.. 12 పోర్టులున్న ఏపీకి 20వ స్థానం

నీతి ఆయోగ్ ఎగుమతుల సన్నద్దత సూచి 2020ను విడుదల చేసింది. తెలంగాణకు 6వ స్థానం దక్కగా.. ఏపీకి మాత్రం 20వ ప్లేస్‌‌లో ఉంది. దీనిపై టీడీపీ అధినేత, మాజీ ముఖ్యమంత్రి ఆసక్తికర ట్వీట్ చేశారు. నీతి ఆయోగ్ తాజాగా విడుదల చేసినఎగుమతుల సన్నద్దత సూచి 202లో ఆంధ్రప్రదేశ్ 20వ స్థానంలో ఉండటం విచారకరమని వ్యాఖ్యానించారు. అతి పొడవైన తీరప్రాంతం ఉన్న మన రాష్ట్రం... కనీసం ఇతర 8 తీర ప్రాంత రాష్ట్రాలతో కూడా పోటీ పడలేక 7వ స్థానంతో సరిపెట్టుకోవాల్సి వచ్చింది అన్నారు. పోర్టులు లేకున్నా తెలంగాణ 6వ స్థానంలో ఉంటే, 11 మైనర్ పోర్టులు, 1మేజర్ పోర్టు ఉన్నప్పటికీ ఏపి ఇలా దిగజారడం.. వైఎస్సార్‌సీపీ ప్రభుత్వ వైఫల్యానికి నిదర్శనం అన్నారు. తీరప్రాంత రాష్ట్రమైనా పాలసీపరంగా ఏపీ పనితీరు నాసిరకంగా ఉందని" నీతి అయోగ్ వ్యాఖ్యానించడం కన్నా అవమానం ఏముందన్నారు బాబు. భారత్‌ నుంచి ఎగుమతుల విషయంలో దేశంలోని వివిధ రాష్ట్రాల పనితీరు ఆధారంగా నీతి ఆయోగ్‌ ఎగుమతుల సన్నద్ధత సూచి-2020 ర్యాంకుల్ని విడుదల చేసింది. ఇందులో తెలంగాణ 6, ఆంధ్రప్రదేశ్‌ 20వ స్థానంలో నిలిచాయి. ఎగుమతుల సన్నద్ధతలో 100కు గాను 75.19 స్కోర్‌తో గుజరాత్‌కు మొదటి ర్యాంకు లభించగా.. 75.14 స్కోర్‌తో మహారాష్ట్రకు రెండో ర్యాంకు, 64.93 స్కోర్‌తో తమిళనాడుకు మూడో ర్యాంకు వచ్చింది. ఇక 57.43 స్కోర్‌తో తెలంగాణ 6వ స్థానంలో నిలిచింది. 35.58 స్కోర్‌తో ఆంధ్రప్రదేశ్‌ 20వ స్థానంలో ఉంది.

from Telugu News | తెలుగు వార్తలు | Online Telugu News | Latest News in Telugu https://ift.tt/34Are9s