కోవిడ్ యాంటీబాడీలు 50 రోజుల్లోపే క్షీణిస్తాయా? తాజా అధ్యయనం ఏం చెబుతోంది?

బారినపడి కోలుకున్న తర్వాత బాధితుల్లో ఉత్పత్తి అయ్యే యాంటీబాడీలు కేవలం 50 రోజుల వరకే ఉంటాయని ఓ అధ్యయనం వెల్లడించింది. రెండు నెలల్లోనే యాంటీబాడీలు కోల్పోతారని జేజే హాస్పిటల్ గ్రూప్ అధ్యయనం పేర్కొంది. తమ ఆస్పత్రిలో కరోనా వైరస్ సోకిన వైద్య సిబ్బందిపై నిర్వహించిన అధ్యయనంలో ఈ విషయం గుర్తించినట్టు తెలిపింది. ఈ అధ్యయనానికి నేతృత్వం వహించిన డాక్టర్ నిషాంత్ కుమార్ మాట్లాడుతూ..ఏప్రిల్-మే నెల మధ్య కోవిడ్-19 పాజిటివ్‌గా నిర్ధారణ అయిన జేజే, జీటీ, సెయింట్ జార్జ్ ఆస్పత్రులకు చెందిన 801 వైద్య ఆరోగ్య సిబ్బంది, మరో 28 మంది ఇతరులను పరిశీలించినట్టు తెలిపారు. జూన్‌లో నిర్వహించిన సెరో సర్వేలో 28 మందిలో ఒకరికి యాంటీబాడీలు గుర్తించారు.. ఈ ఫలితాలను ఇంటర్నేషనల్ జర్నల్ ఆఫ్ కమ్యూనిటీ మెడిసిన్ అండ్ పబ్లిక్ హెల్త్‌లో వచ్చే నెల ప్రచురించనున్నారు. జేజే హాస్పిటల్ సెరో సర్వేలో భాగంగా మూడు, ఐదు వారాల వ్యవధిలో కోవిడ్ నిర్దారణ (పీసీఆర్ పరీక్షల ద్వారా) అయిన 34 మంది పాల్గొన్నారు. కోవిడ్-19 సోకి మూడు వారాలైన వారిలో 90 శాతం, ఐదు వారాలైన వారిలో 38.5 శాతం మందికి యాంటీబాడీలు గుర్తించామని డాక్టర్ కుమార్ తెలిపారు. భారతదేశంలో ప్రారంభమైన వ్యాక్సిన్ క్లినికల్ ట్రయల్స్, మహమ్మారి రెండోసారి సోకుతున్నట్టు హాంకాంగ్‌‌లో గుర్తించడం కోవిడ్ యాంటీబాడీలపై విస్తృతంగా చర్చ జరుగుతోంది. యాంటీబాడీలు రెండోసారి వైరస్ బారినపడకుండా రక్షిస్తాయి. సెరో సర్వే ఫలితాలను మరింత లోతుగా విశ్లేషించగా యాంటీబాడీలు త్వరగా క్షీణించాయని తేలింది. యాంటీబాడీలు మూడు వారాల తర్వాత అత్యున్నత స్థాయికి చేరి, తర్వాత క్రమంగా క్షీణిస్తాయని ఇటీవల ప్రపంచవ్యాప్తంగా చేసిన కొన్ని అధ్యయనాలలో వెల్లడయ్యింది. ‘ఈ ఫలితాలు వ్యాక్సిన్ అభివృద్ధికి వ్యూహాలను మార్చాల్సిన అవసరాన్ని నొక్కిచెప్పాయి అని డాక్టర్ కుమార్ వ్యాఖ్యానించారు. ఒకే మోతాదుకు బదులుగా, ప్రజలకు బహుళ వ్యాక్సిన్ మోతాదు అవసరమని పరిశోధనా బృందం పేర్కొంది. అయితే, ఈ అధ్యయన ఫలితాలపై కొంతమంది ప్రజారోగ్య నిపుణులు సందేహాలు వ్యక్తం చేస్తున్నారు. ‘జెజె అధ్యయనంలో 28 మంది రోగులు కోవిడ్ లక్షణాలతో బాధపడుతున్నారా లేదా వారికి లక్షణాలు ఉన్నాయో తమకు తెలియదని పబ్లిక్ హెల్త్ ఫౌండేషన్ ఆఫ్ ఇండియాకు చెందిన ఎపిడిమియాలజిస్ట్ గిరిధర్ బాబు చెప్పారు. ఎటువంటి లక్షణాలు లేని కోవిడ్ రోగులకు యాంటీబాడీలు దీర్ఘకాలంగా ఉండవని అన్నారు.

from Telugu News | తెలుగు వార్తలు | Online Telugu News | Latest News in Telugu https://ift.tt/3hN87wo