తూ.గో: కరోనా నుంచి కోలుకుని వస్తున్నాడని ఫ్లెక్సీతో స్వాగతం

పండుగ, ఫంక్షన్, పెళ్లి, రాజకీయ నేతలు, ఇష్టమైన హీరో మూవీ రిలీజ్‌కు ఫ్లెక్సీలు ఏర్పాటు చేయడం ఇప్పటి వరకూ చూశాం. కానీ ఇప్పుడు వెరైటీ ఫ్లెక్సీలు వచ్చేశాయి. అసలే కరోనా కాలం.. ఆ మహమ్మారిని జయించి ఆస్పత్రి నుంచి డిశ్చార్జ్ కావడమే మాటలా అన్న రేంజ్‌లో ఈ వైరస్ బారినపడి కోలుకున్న వారికి కూడా ఫ్లెక్సీ కడుతున్నారు. ఇదేం విచిత్రమని ఆశ్చర్యపోకండి.. మీరు వింటున్నది నిజమే.. తూర్పుగోదావరి జిల్లా అమలాపురంలో ఫ్లెక్సీ ఏర్పాటు చేయగా.. ఆ ఫొటోలు సోషల్ మీడియాలో వైరల్‌ అవుతున్నాయి. అమలాపురానికి చెందిన సుంకర అయ్యప్ప నాయుడు అనే యువకుడు కరోనా బారినపడ్డాడు. చికిత్స తర్వాత కోలుకున్నాడు.. తర్వాత నిర్వహించిన పరీక్షల్లో కరోనా నెగెటివ్ రావడంతో ఆస్పత్రి నుంచి డిశ్చార్జి చేశారు. యువకుడు ఆస్పత్రి నుంచి ఇంటికి వస్తుండటంతో అనుచరులు, స్నేహితులు ఫ్లెక్సీ ఏర్పాటు చేశారు. కరోనాను వణికించి.. విజయం సాధించి తిరిగి వస్తున్న అన్నయ్యకు స్వాగతం అంటూ ఈ ఫ్లెక్సీ పెట్టారు. దీనిపై సోషల్ మీడియాలో ఆసక్తికర చర్చ జరుగుతోంది.

from Telugu News | తెలుగు వార్తలు | Online Telugu News | Latest News in Telugu https://ift.tt/2CLu3Jr