ఏపీ రాజ్‌భవన్‌లో కరోనా కలకలం.. అధికారుల కీలక నిర్ణయం

ఏపీ రాజ్‌భన్‌లో మళ్లీ కరోనా కలకలంరేపింది. అక్కడ పనిచేస్తున్న మరో 15 మంది భద్రతా సిబ్బందికి కరోనా నిర్ధారణ అయ్యింది. ఇక్కడ మొత్తం 72 మంది భద్రతా సిబ్బంది ఉండగా.. అందులో 15 మందికి తాజాగా కరోనా పాజిటివ్‌ వచ్చింది. రాజ్‌భవన్‌ ఉన్నతాధికారులు ఒక్కసారిగా ఉలిక్కిపడ్డారు.. దీంతో అధికారులు కీలక నిర్ణయం తీసుకున్నారు. వెంటనే అప్రమత్తమై ప్రస్తుతం పనిచేస్తున్న భద్రతా సిబ్బంది అందరినీ మార్చేశారు. వారి స్థానాల్లో కొత్త సిబ్బందిని నియమించారు. రాజ్‌భవన్‌ను శానిటైజ్‌ చేయించారు. గతంలోనూ ఇక్కడ పనిచేసే పలువురు అధికారులు, సిబ్బందికి కరోనా పాజిటివ్‌ వచ్చిన విషయం తెలిసిందే. మళ్లీ పదిహేను మందికి పాజిటివ్‌ రావడం కలకలంరేపుతోంది. గతంలో కూడా రాజ్‌భవన్‌లో పనిచేసేవారికి, భద్రతా సిబ్బందికి కరోనా సోకింది. దీంతో అందరికీ కరోనా టెస్టులు నిర్వహించారు. మళ్లీ ఇప్పుడు కరోనా వైరస్ సోకడం ఆందోళన కలిగిస్తోంది.

from Telugu News | తెలుగు వార్తలు | Online Telugu News | Latest News in Telugu https://ift.tt/2P8Yuvy