విశాఖ: ప్రియుడి ఇంటిపై నుంచి దూకి ప్రియురాలి ఆత్మహత్య

విశాఖలో దారుణం జరిగింది. ఓ యువతి ప్రియుడి ఇంటిపై నుంచి దూకి ప్రాణాలు తీసుకుంది. ఛత్తీస్‌గఢ్‌ రాయపూర్‌ ప్రాంతానికి 23ఏళ్ల యువతి ఎంబీఏ పూర్తి చేసింది.. తండ్రి రైల్వే క్లర్క్‌గా పనిచేస్తున్నారు. ఆమె విశాఖలోని ఓ ప్రైవేట్ ఆస్పత్రిలో ఉద్యోగం చేస్తోంది.. ఓ హాస్టల్‌లో ఉంటోంది. ఈ క్రమంలో నగరంలోని చినముషివాడ చాణక్యనగర్‌కు చెందిన యువకుడితో పరిచయం ఏర్పడి ప్రేమగా మారింది. ఇద్దరూ పెళ్లి చేసుకోవాలని భావించి.. ఇంట్లో పెద్దలకు కూడా విషయం చెప్పారు. యువకుడి కుటుంబ సభ్యులు ఇద్దరి జాతకాలు కుదరకపోవడంతో పెళ్లికి నిరాకరించారు. దీంతో ఆమె మనస్తాపానికి గురైంది.. గురువారం మధ్యాహ్నం ఆమె యువకుడి ఇంటికి వెళ్లి కుటుంబ సభ్యులతో మాట్లాడింది. పెళ్లికి వారు ఒప్పుకోకపోవడంతో తీవ్ర మనస్తాపానికి గురైంది. వెంటనే మూడో అంతస్తు నుంచి కిందకు దూకేసింది.. అక్కడికక్కడే చనిపోయింది. పెందుర్తి పోలీసులు యువతి మృతదేహాన్ని కేజీహెచ్‌కు తరలించారు. కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.

from Telugu News | తెలుగు వార్తలు | Online Telugu News | Latest News in Telugu https://ift.tt/30eqILF