టైమ్ అండ్ డేట్ ఫిక్స్ చేసిన రఘురామకృష్ణంరాజు.. మళ్లీ ఆసక్తికర వ్యాఖ్యలు

నర్సాపురం ఎంపీ వైఎస్సార్‌సీపీకి వరుసగా ట్విస్ట్‌లు ఇస్తూనే ఉన్నారు. పార్టీ ఇచ్చిన షోకాజ్ నోటీసులకు ఊహించని విధంగా సమాధానం ఇచ్చిన ఆయన.. ఢిల్లీ పర్యటనతో మళ్లీ దూకుడు పెంచాడు. కేంద్ర ఎన్నికల సంఘం, లోక్‌సభ స్పీకర్‌ను కలిసినట్లు తెలుస్తోంది. అయితే రఘురామకృష్ణంరాజు మరోసారి తన వ్యాఖ్యలతో కాకరేపారు. తనకు పంపిన షోకాజ్ నోటీసులకు రిప్లై ఇవ్వాలని నిర్ణయం తీసుకుని ట్విస్ట్ ఇచ్చారు.. టైం అండ్ డేట్ ఫిక్స్ చేశారు. షోకాజ్ నోటీసు‌కు రిప్లై ఇవ్వాలని నిర్ణయం తీసుకున్న ఆయన.. ఓ న్యూస్ ఛానల్‌తో మాట్లాడిన ఆయన.. ఈనెల 29న మధ్యాహ్న 12 గంటలకు షోకాజ్ నోటీసులకు సమాధానం చెబుతాను అంటున్నారు. అది కూడా ముఖ్యమంత్రి మీద ఉన్న ప్రేమతోనే ఈ నిర్ణయం తీసుకున్నట్లు చెబుతున్నారు. జగన్‌కు తెలియకుండా ఎంపీ విజయసాయిరెడ్డి తనకు షోకాజు నోటీసు ఇచ్చారని ఆయన ఆసక్తికర వ్యాఖ్యలు చేశారు. విజయసాయిరెడ్డికి తనపై కోపం ఎందుకో తెలియట్లేదన్నారు రఘురామ. విజయసాయిరెడ్డితో తనకు ఎలాంటి పోటీ లేదని.. పార్టీలో ఆయన నెంబర్‌ 2గా ఉన్నారని చెప్పుకొచ్చారు. వైఎస్సార్‌సీపీలో నిజమైన స్వామిభక్తి ఉన్న ఎంపీని తానేనని.. తనకు షోకాజ్‌ నోటీసు పంపారనేది మీడియాలో చూశానని, షోకాజ్‌ నోటీస్‌ పేరుతో డ్రామాలు ఆడుతున్నారని.. తన పదవిని తీసేందుకు కుట్రలు పన్నుతున్నారని ఆరోపించారు. రఘురామకృష్ణంరాజు సొంత పార్టీ నేతలపై, ప్రభుత్వం చేసిన వ్యాఖ్యల్ని అధిష్టానం సీరియస్‌గా తీసుకుంది. వారంలోగా సమాధానం ఇవ్వాలని షోకాజ్ నోటీసులు పంపారు. ఈ నోటీసులకు ఎంపీ ఇచ్చిన సమాధానం ఆసక్తికరంగా మారింది. అంతేకాదు ఆయన ఢిల్లీ పర్యటనకు వెళ్లడం ఉత్కంఠరేపుతోంది.

from Telugu News | తెలుగు వార్తలు | Online Telugu News | Latest News in Telugu https://ift.tt/2Zdj02H