ట్రావెల్స్ వాహనాల విషయంలో జేసీ ఫ్యామిలీని వరుస కష్టాలు వెంటాడుతున్నాయి. ప్రభాకర్ రెడ్డి, అస్మిత్‌రెడ్డిలు వరుస కేసులతో ఉక్కిబిక్కిరి అవుతున్నారు. ఇప్పటికే వాహనాల అక్రమ రిజిస్ర్టేషన్ల వ్యవహారంలో నమోదైన కేసుల్లో రిమాండ్‌లో ఉన్న వారికి జులై 1వరకు రిమాండ్ పొడిగించారు. ఇప్పటికే ఓ కేసులో జూన్ 24 వరకు రిమాండ్ విధించారు. మరికొన్ని కేసులకు సంబంధించి.. కడప జైలులో ఉన్న ప్రభాకర్‌రెడ్డి, అస్మిత్‌రెడ్డిలను పోలీసులు వీడియో కాన్ఫరెన్స్‌ ద్వారా న్యాయమూర్తి ముందు విచారణకు హాజరుపరిచి.. జులై 1వ తేదీ వరకు జిల్లా కోర్టు రిమాండ్ విధించారు. ఇదిలా ఉంటే ప్రభాకర్‌రెడ్డి, అస్మిత్‌రెడ్డిలకు బెయిల్‌ ఇవ్వాలని అనంతపురం జిల్లా కోర్టులో పిటిషన్‌ దాఖలైంది. దీనిపై విచారణను కోర్టు సోమవారానికి వాయిదా వేసింది. అంతేకాదు ప్రభాకర్‌రెడ్డి, అస్మిత్‌రెడ్డిలను తమ కస్టడీకి అప్పగించాలని తాడిపర్తి పోలీసులు గుత్తి కోర్టులో పిటిషన్‌లో దాఖలు చేశారు. వాహనాల అక్రమ రిజిస్ట్రేషన్లు, మోసపూరిత విక్రయాలపై జేసీ వారి నుంచి వివరాలు సేకరించేందుకు అనుమతివ్వాలని కోరారు. ప్రభాకర్ రెడ్డి, అస్మిత్‌ రెడ్డిలను ఈ నెల 12న హైదరాబాద్‌లో అనంతపురం జిల్లా పోలీసులు అరెస్ట్ చేశారు. వారిని అనంతపురం తరలించారు.. అక్కడ వైద్య పరీక్షలు నిర్వహించి జడ్జి ముందు హాజరుపర్చగా 14 రోజుల రిమాండ్ విధించారు. అయితే వీరిని అనంతపురంలోనే జైలుకు తరలించాలని భావించారు.. కానీ అక్కడ కరోనా భయంతో సూపరింటెండెంట్ అనుమతి ఇవ్వకపోవడంతో కడప జైలుకు తరలించారు.
from Telugu News | తెలుగు వార్తలు | Online Telugu News | Latest News in Telugu https://ift.tt/2NAVcQN
Comments
Post a Comment