‘ఇది జస్ట్ ట్రైలరే’.. జగన్ ఏడాది పాలనపై చంద్రబాబు ఆసక్తికర వీడియో

వైఎస్సార్‌సీపీ ఏడాది పాలనపై ఆసక్తికర వీడియోను ట్వీట్ చేశారు టీడీపీ అధినేత . ఇది జస్ట్ ట్రైలర్ మాత్రమే.. అసలు సినిమా ముందు ఉందంటున్నారు. ట్రైలర్ చూస్తే ఇలా ఉందే.. రాబోయే రోజుల్లో ఇంకెలా ఉంటుందో అన్నారు. ‘వైఎస్సార్‌సీపీ ఏడాది పాలనలో ప్రజలు ఎంత విసుగెత్తిపోయారో, బూటకపు మాటలను నమ్మి ఎంత మోసపోయారో చెబుతున్న వీడియో ఇది. తొలి ఏడాది పాలన ఏ ప్రభుత్వానికైనా కీలకం. ట్రైలర్ చూస్తేనే ఇలా ఉంటే రాబోయే కాలం ఇంకెలా బెంబేలెత్తిస్తారో..! హతవిధీ..’అన్నారు చంద్రబాబు. ఎన్నికల ముందు ఒక్క ఛాన్స్ అంటూ హామీల వర్షం కురిపించిన జగన్ గారు గెలిచిన తర్వాత ''షరతులు వర్తిస్తాయి''అంటూ మొహం చాటేసారు అన్నారు లోకేష్. నవ రత్నాలు తెచ్చి పోస్తానని, ఇప్పుడు ''నవరత్నా''తైలంతో సరిపెట్టారు. ఏడాది కాలంలో రద్దులు,భారాలు,మోసాలు తప్ప ప్రజలకు ఒరిగింది ఏమీ లేదు అన్నారు చంద్రబాబు. అంతేకాదు టీడీపీ హయాంలో ప్రవేశపెట్టిన పథకాలను జగన్ ప్రభుత్వం తొలగించిందంటూ వరుసగా వీడియోలు, ఫోటోలను ట్వీట్ చేస్తున్నారు లోకేష్.

from Telugu News | తెలుగు వార్తలు | Online Telugu News | Latest News in Telugu https://ift.tt/3gAErTg