తూ.గో జిల్లాలో గ్యాస్.. భయంతో జనాలు పరుగులు

తూర్పుగోదావరి జిల్లాలో గ్యాస్ లీకేజీ కలకలరేపింది. కాకినాడ గ్రామీణ మండలం సర్పవరంలోఅర్ధరాత్రి గ్యాస్‌ లీకైంది. స్థానిక టెకీ రసాయన పరిశ్రమ నుంచి ఈ గ్యాస్‌ ఒక్కసారిగా బయటకు వచ్చింది. దీంతో స్థానికులు ప్రాణ భయంతో ఉరుకులు, పరుగులు తీశారు. వెంటనే సమాచారం అందుకున్న అధికారులు, పోలీసులు అప్రమత్తమయ్యారు. గ్యాస్ లీక్ అదుపులోకి రావడంతో అందరూ ఊపిరి పీల్చుకున్నారు. తర్వాత స్థానికులు కంపెనీ ముందు ఆందోళనకు దిగారు. ఈ సంఘటనకు సంబంధించి పూర్తి వివరాలు తెలియాల్సి ఉంది. గత నెలలో విశాఖలోని ఎల్జీ పాలిమర్స్‌ నుంచి స్టైరిన్ గ్యాస్ లీకైన సంగతి తెలిసిందే. ఈ ప్రమాదంలో 13మంది చనిపోగా.. వందలాదిమంది అస్వస్థతకు గురయ్యారు. మూగజీవాలు సైతం చనిపోయాయి.. పచ్చని చెట్లు కూడా మాడిపోయాయి. ఆ ఘటన నుంచి అక్కడి గ్రామాలు ఇప్పుడిప్పుడే కోలుకుంటున్నాయి. తూర్పుగోదోవారి జిల్లాలో గ్యాస్ లీక్ కావడం టెన్షన్ పెట్టించింది. ఈ గ్యాస్ లీక్‌కు కారణాలపై అధికారులు ఆరా తీస్తున్నారు. స్థానికులు ఆందోళన చెందాల్సిన పని లేదంటున్నారు అధికారులు.

from Telugu News | తెలుగు వార్తలు | Online Telugu News | Latest News in Telugu https://ift.tt/2ZUaCah