ఏపీ ఉద్యోగులకు గుడ్‌న్యూస్.. తెలంగాణ సర్కార్ గ్రీన్ సిగ్నల్

హైదరాబాద్‌లో ఏపీ సచివాలయ ఉద్యోగులకు గుడ్‌న్యూస్. తెలంగాణ సర్కార్ గ్రీన్ సిగ్నల్ ఇవ్వడంతో.. ఉద్యోగులు ఇక్కడి నుంచి అమరావతి వెళ్లేందుకు మార్గం సుగమం అయ్యింది. ఏపీ సచివాలయ ఉద్యోగుల కోసం ఏపీ ప్రభుత్వం పంపించే బస్సులకు అనుమతి ఇవ్వాలని తెలంగాణ సీఎస్‌ సోమేష్‌కుమార్‌కు ఏపీ సీఎస్‌ నీలం సాహ్ని లేఖ రాశారు. హైదరాబాద్ బస్సులు పంపించేందుకు గ్రీన్ సిగ్నల్ ఇవ్వాలని కోరారు.. దీనికి సచివాలయ ఉద్యోగుల బస్సులకు సీఎస్‌ సోమేష్‌ కుమార్‌ అంగీకరించారు. బుధవారం ఏపీఎస్‌ఆర్టీసీ బస్సుల్లో 400 మంది ఉద్యోగులు అమరావతి చేరుకోనున్నారు. మియాపూర్‌, కేపీహెచ్‌బీ, లక్డీకపూల్‌, ఎల్బీనగర్‌ నుంచి ఏపీఎస్‌ ఆర్టీసీ అధికారులు 10 బస్సులు ఏర్పాటు చేశారు. వీరంతా బుధవారం సచివాలయానికి వెళ్లనున్నారు. లాక్‌డౌన్ సమయంలో ఏపీ ఉద్యోగులు కొందరు హైదరాబాద్‌లో చిక్కుకుపోయారు. ప్రభుత్వ ఆదేశాలతో వర్క్ ఫ్రం హౌంతో విధులు నిర్వహించారు.. లాక్‌డౌన్ సడలింపులతో ఉద్యోగులు మళ్లీ సచివాలయానికి వెళ్లడానికి ఇబ్బందులు పడుతున్నారు. దీంతో ఏపీ సీఎష్ లేఖ రాయగా.. తెలంగాణ ప్రభుత్వం ఓకే చెప్పింది.

from Telugu News | తెలుగు వార్తలు | Online Telugu News | Latest News in Telugu https://ift.tt/3egF6qS