మోదీ 2.0 పాలనకు ఏడాది.. దేశ చరిత్రను మలుపుతిప్పిన పలు సాహసోపేత నిర్ణయాలు

‘సబ్‌కా సాథ్‌.. సబ్‌కా వికాస్‌’ అంటూ 2019 సార్వత్రిక ఎన్నికల్లో అఖండ విజయం సాధించిన మోదీ నాయకత్వంలోని రెండోసారి పగ్గాలు చేపట్టి శనివారంతో ఏడాది పూర్తి చేసుకుంటోంది. ఈ సందర్భంగా ప్రజలకు బహిరంగ లేఖ రాశారు. భారతదేశం కరోనావైరస్‌తో వ్యవహరించిన విధానంలో ప్రజల సమిష్టి బలం, సంకల్పం చూడవచ్చని, విపరీతమైన బాధ ఉన్నప్పటికీ ప్రజలు, భారీ ప్రయత్నాలతో అసౌకర్యం, విపత్తులుగా మారకుండా చూసుకున్నారని ప్రధాని తన లేఖలో పేర్కొన్నారు. ‘ప్రపంచంలోని శక్తివంతమైన, సంపన్న దేశాలతో పోల్చితే భారతీయుల సామూహిక శక్తి, సామర్థ్యం అసమానమని నిరూపించారు. ఈ పరిమాణం సంక్షోభంలో, ఎవరూ అసౌకర్యానికి గురి కాలేదని ఖచ్చితంగా చెప్పలేం. వలస కార్మికులు, చిన్న తరహా పరిశ్రమలు, చేతివృత్తులవారు, హస్తకళాకారులు, పౌరులు విపరీతమైన బాధలను ఎదుర్కొన్నారు’అని ఆయన అన్నారు. అలాగే, ఈ ఏడాది కాలంలో భారతావనిపై చెరగని ముద్రవేస్తూ ప్రభుత్వం పలు కీలక నిర్ణయాల్ని తీసుకుందుని, కొన్ని వర్గాల నుంచి వ్యతిరేకత వ్యక్తమైనప్పటికీ.. చారిత్రక తప్పులను సరిదిద్దామని మోదీ తన లేఖలో పేర్కొన్నారు. చివరి నెలల్లో కరోనా విరుచుకుపడినప్పటికీ.. మహమ్మారి బారి నుంచి దేశాన్ని కాపాడేందుకు చర్యలు చేపట్టామని, నవభారత నిర్మాణమే తమ ప్రభుత్వ లక్ష్యమంటూ మోదీ ఏడాది పాలనలో తీసుకున్న పలు సాహసోపేతమైన నిర్ణయాలను లేఖలో వెల్లడించారు. ప్రభుత్వ పనితీరు గురించి ఒక వివరణాత్మకంగా లేఖలో వివరించారు. ‘ఇటువంటి చారిత్రక చర్యలు, జాతీయ ప్రయోజనాల కోసం తీసుకున్న నిర్ణయాల జాబితా ఈ లేఖలో వివరించడానికి చాలా పొడవుగా ఉంటుంది. కానీ ఈ ఏడాది కాలంలో ప్రతిరోజూ తమ ప్రభుత్వం ఈ నిర్ణయాలు తీసుకొని అమలుచేస్తూ, పూర్తి శక్తితో 24 గంటలూ నిచేసిందని నేను చెప్పాలి’అని ఆయన అన్నారు. పాకిస్థాన్ భూభాగంలోకి చొచ్చుకెళ్లి సర్జికల్, ఎయిర్‌స్ట్రైక్స్, ట్రిపుల్ తలాక్, రామమందిర వివాదంపై సుప్రీంకోర్టు తీర్పు, ఆర్టికల్ 370 రద్దు వంటి సాహసోపేత నిర్ణయాలు ఎంతో సంతృప్తినిచ్చాయని పేర్కొన్నారు. అంతేకాదు, ఈ సమయంలో దేశయావత్తు ఒకే తాటిపై నిలబడి సమైక్యతను చాటిందన్నారు. ‘తొలి ఐదేళ్లలో తాము పునాదులు వేస్తే, దానిని కొనసాగించాలని కోరుకున్న ప్రజలు వరుసగా రెండోసారి తమకు అధికారం కట్టబెట్టారు. 2014 నుంచి 2019 వరకు భారతదేశం పరిస్థితిలో గణనీయమైన మార్పులు వచ్చాయి.. పేదల ఆత్మగౌరవం పెరిగింది. దేశం ఆర్థిక సుస్థిరత, ఉచిత గ్యాస్, విద్యుత్ కనెక్షన్లు, పారిశుద్ధ్యం, అందరికీ ఇల్లు తదితర అంశాలలో పురోగతి సాధించింది’ అని ప్రధాని లేఖలో రాశారు. సర్జికల్ దాడుల ద్వారా భారతదేశం తన సామర్థ్యాన్ని ప్రదర్శించింది. అదే సమయంలో, ఒన్ ర్యాంక్ ఒన్ పెన్షన్, వన్ నేషన్ వన్ టాక్స్, రైతులకు మెరుగైన మద్దతు ధర వంటి దశాబ్దాల పాత డిమాండ్లు నెరవేరాయి’అని ప్రధాని పేర్కొన్నారు. ఇక, 2019 ఎన్నికల్లో ప్రజలు తమ ప్రభుత్వాన్ని కొనసాగించడం కోసం మాత్రమే కాకుండా, భారత్‌ను ప్రపంచ నేతగా మార్చడానికి, ఉన్నత శిఖరాలకు తీసుకెళ్లాలనే కలతో టు వేశారన్నారు. ‘ఒక వైపు గొప్ప ఆర్థిక వనరులు, అత్యాధునిక ఆరోగ్య సంరక్షణ వ్యవస్థలు ఉన్న శక్తులు.. మరోవైపు దేశంంలో విస్తారమైన జనాభా, పరిమిత వనరుల మధ్య సమస్యలతో కరోనా ముట్టడించింది. దేశంలో కరోనా వైరస్ మొదలైనప్పుడు ఇది ప్రపంచానికి సమస్యగా మారుతుందని చాలామంది భయపడ్డారు. కానీ ఈ రోజు, సంపూర్ణ విశ్వాసం, స్థితిస్థాపకత ద్వారా, ప్రపంచం మొత్తం మనవైపు చూసి ఆశ్చర్యపోయేలా చేశాం’ అన్నారు. దేశం ఇప్పటివరకు సహనాన్ని ప్రదర్శించిందని, అది అలాగే కొనసాగించాలని మోదీ కోరారు. ‘భారతదేశం సురక్షితంగా, ఇతర దేశాల కంటే మెరుగైన స్థితిలో ఉండటానికి ఇది ఒక ముఖ్య కారణం. ఇది సుదీర్ఘ యుద్ధం, కానీ మనం విజయ మార్గంలో ప్రయాణించడం ప్రారంభించాం, జయం మన సామూహిక సంకల్పం అని అన్నారు. ఆర్థిక పునరుజ్జీవనానికి భారత్ ఒక ఉదాహరణగా నిలుస్తుందని విశ్వాసం వ్యక్తం చేసినందున ఆర్థిక వ్యవస్థలు ఎలా కోలుకుంటాయనే చర్చను ప్రధాని ప్రస్తావించారు. ఆర్ధిక విభాగాలు తమ బలం ద్వారా 130 కోట్ల మంది భారతీయులు ప్రపంచాన్ని ఆశ్చర్యపర్చడమే కాక, దానిని ప్రేరేపించగలరు అని ఆయన అన్నారు ఆర్ధిక స్వావలంబనలో రూ .20 లక్షల కోట్ల ప్యాకేజీ ఈ దిశలో ఒక ప్రధాన దశ అన్నారు.

from Telugu News | తెలుగు వార్తలు | Online Telugu News | Latest News in Telugu https://ift.tt/2zzBRfK