రామచంద్రపురంలో స్థానికుడిపై హత్యాయత్నం కలకలంరేపింది. కే గంగవరం మండలం మసకపల్లిలో అనే వ్యక్తిపై కొందరు దుండగులు హత్యాయత్నం చేశారు. వేటకొడవళ్లతో నరకడంతో తీవ్ర గాయాలయ్యాయి.. అతడ్ని స్థానికులు ఆస్పత్రికి తరలించారు. అక్కడ నుంచి మెరుగైన వైద్యం కోసం కాకినాడ ఆస్పత్రికి తీసుకెళ్లారు. ఇజ్రాయిల్‌పై హత్యాయత్నం స్థానికంగా కలకలంరేపింది. ఘటనపై కేసు నమోదు చేసిన పోలీసులు దర్యాప్తు ప్రారంభించారు. మంగళవారం రాత్రి ఇజ్రాయిల్‌కు ఓ స్థానిక వ్యక్తి ఫోన్ చేసి ఓ చోటికి రమ్మన్నాడట.. అతడు వెళ్లగానే వేట కొడవళ్లతో దాడి చేశారు. ప్రాణ భయంతో పరుగులు తీసినా వదల్లేదని.. తనను నరికారని బాధితుడు చెబుతున్నాడు. భూషణం అనే వ్యక్తి ఈ హత్యాయత్నం వెనుక ఉన్నాడని ఆరోపిస్తున్నాడు. భూషణం పరారీలో ఉన్నాడని.. త్వరలోనే అదుపులోకి తీసుకుంటామని పోలీసులు చెబుతున్నారు. బాధితుడు ఇజ్రాయిల్ గతంలో మాజీ ఎమ్మెల్యే తోట త్రిమూర్తులపై చెప్పుతో దాడి చేసేందుకు ప్రయత్నించాడు. ద్రాక్షారామంలో ఈ ఘటన జరిగింది. మంత్రి మోపిదేవి వెంకటరమణ, టీటీడీ చైర్మన్‌ వైవీ సుబ్బారెడ్డి పక్కనే ఉండగానే ఘటన జరిగింది. తోట త్రిమూర్తులు వర్గం వైసీపీలో చేరేందుకు సభను ఏర్పాటు చేశారు. ఈ సభకు హాజరయ్యేందుకు వెళ్తుండగా ఈ ఘటన జరిగినట్లు తెలుస్తోంది. దీంతో ఉద్రిక్తత పరిస్థితులు కనిపించాయి.. వెంటనే రంగంలోకి దిగిన పోలీసులు పరిస్థితిని అదుపులోకి తెచ్చారు.
from Telugu News | తెలుగు వార్తలు | Latest News in Telugu https://ift.tt/3cQXjdU
Comments
Post a Comment