భారత క్రికెటర్‌కి క్రిస్‌గేల్ సీరియస్ వార్నింగ్.. కోహ్లీ కూడా ఫైర్

కరోనా వైరస్ కారణంగా ప్రస్తుతం దేశంలో లాక్‌డౌన్ అమలులో ఉండటంతో భారత అగ్రశ్రేణి స్పిన్నర్ చాహల్ ఇంటి వద్దే ఫ్యామిలీతో సమయం గడుపుతున్నాడు. ఈ క్రమంలో కుటుంబ సభ్యులతో కలిసి టిక్‌టాక్ వీడియోలు చేస్తున్న చాహల్.. క్రికెటర్ల ఇన్‌స్టాగ్రామ్ లైవ్ సెషన్‌‌ల మధ్యలో ఎంటరై హడావుడి చేస్తున్నాడు. దీంతో.. ఇప్పటికే టీమిండియా కెప్టెన్ విరాట్ కోహ్లీ అతనికి చురకలు వేయగా.. తాజాగా వెస్టిండీస్ విధ్వంసక ఓపెనర్ క్రిస్‌గేల్ అతడికి సీరియస్‌గా వార్నింగ్ ఇచ్చాడు. ఇదే పంథాని కొనసాగిస్తే..? టిక్‌టాక్ వాళ్లకి ఫిర్యాదు చేసి బ్లాక్ చేయిస్తానని గేల్ మండిపడ్డాడు. Read More: వాస్తవానికి క్రిస్‌గేల్, చాహల్‌కి మధ్య మంచి సాన్నిహిత్యం ఉంది. ఈ క్రమంలో గేల్‌తో ఇన్‌స్టాగ్రామ్ లైవ్ సెషన్‌లో తాజాగా చాహల్ మాట్లాడుతుండగా.. టిక్‌టాక్ వీడియోల గురించి చర్చ తెరపైకి వచ్చింది. దీంతో.. క్రిస్‌గేల్ ఒక్కసారిగా సీరియస్ అయిపోయి.. చాహల్‌ని ఏకిపారేశాడు. ‘‘నిన్ను బ్లాక్ చేయమని టిక్‌టాక్ వాళ్లకి నేను చెప్తాను. ఎందుకంటే సోషల్ మీడియాలో నువ్వు చాలా విసిగిసిస్తున్నావు. జీవితంలో మళ్లీ నిన్ను చూడాలనుకోవట్లేదు. ఇకనైనా సోషల్ మీడియాకి దూరంగా ఉండు. ఆఖరిగా ఒక మాట నిన్ను పర్సనల్‌గా సోషల్ మీడియాలో నేను బ్లాక్ చేయబోతున్నా’’ అని క్రిస్‌గేల్ హెచ్చరించాడు. చాహల్ తన ఫ్యామిలీ మెంబర్స్, ఫ్రెండ్స్‌తో కలిసి ఇటీవల వరుస టిక్‌టాక్ వీడియోలు చేసిన విషయం తెలిసిందే. Read More: వారం క్రితం విరాట్ కోహ్లీ కూడా ఇదే తరహాలో చాహల్‌ తీరుని తప్పుబట్టాడు. ఏబీ డివిలియర్స్‌తో కలిసి ఇన్‌స్టాగ్రామ్ లైవ్ సెషన్‌లో కోహ్లీ మాట్లాడుతుండగా.. మధ్యలో చాహల్ ఎంటరై కామెడీ చేసే ప్రయత్నం చేశాడు. దీంతో.. అతని గురించి కోహ్లీ మాట్లాడుతూ ‘‘చాహల్ టిక్‌టాక్ వీడియోలు ఒకసారి చూడండి. అతను అంతర్జాతీయ స్థాయిలో క్రికెట్ ఆడే 29 ఏళ్ల ఆటగాడు అంటే ఎవరూ నమ్మరు’’ అని చురకలేశాడు. ఐపీఎల్‌లో రాయల్ ఛాలెంజర్స్ బెంగళూరు తరఫున చాహల్ ఆడుతున్న విషయం తెలిసిందే.

from Telugu News | తెలుగు వార్తలు | Latest News in Telugu https://ift.tt/2SbkjfJ