భారత మాజీ కెప్టెన్ మహేంద్రసింగ్ ధోనీకి టీ20ల్లో బౌలింగ్ చేయడం చాలా కష్టమని వెటరన్ ఆఫ్ స్పిన్నర్ రవిచంద్రన్ అశ్విన్ అభిప్రాయపడ్డాడు. కరోనా వైరస్ కారణంగా దేశంలో లాక్‌డౌన్ విధించడంతో ప్రస్తుతం ఇంటి వద్దే సమయం గడుపుతున్న అశ్విన్.. అభిమానులు అడిగిన సరదా ప్రశ్నలకి సమాధానమిచ్చాడు. ఈ క్రమంలో ఓ అభిమాని.. ‘‘టీ20ల్లో ఎవరికి బౌలింగ్ చేయాలంటే కష్టం..?’’ అని అడగగా.. ‘ధోనీ’ అని అశ్విన్ ఆన్సర్ దేశాడు. దాంతో.. ‘‘ధోనీ గురించి కాస్త చెప్పండి’’ అని ఆ వెంటనే మరో ప్రశ్న సంధించాడు. Read More: ‘‘టీ20 గొప్ప బ్యాట్స్‌మెన్‌లలో మహేంద్రసింగ్ ధోనీ కూడా ఒకడు. ఆ ఫార్మాట్‌లో అతనికి బౌలింగ్ చేయడం చాలా కష్టం. మరీ ముఖ్యంగా.. డెత్ ఓవర్లలో ధోనీని నిలువరించడం గగనమే. ఇక ధోనీ గురించి అంటారా..? భారత్ ఇప్పటి వరకూ చూడని గొప్ప కెప్టెన్ ధోని. అలానే ఐపీఎల్‌లోనూ అదే స్థాయిని అతను అందుకున్నాడు’’ అని అశ్విన్ వెల్లడించాడు. భారత్‌కి 2007 టీ20 వరల్డ్‌కప్, 2011 వన్డే ప్రపంచకప్, 2013 ఛాంపియన్స్ ట్రోఫీ అందించిన ధోనీ.. ఈ మూడు ఐసీసీ ట్రోఫీలు గెలిచిన ఏకైక కెప్టెన్‌గా కొనసాగుతున్న విషయం తెలిసిందే. అలానే ఐపీఎల్‌లోనూ చెన్నై టీమ్‌కి కెప్టెన్‌గా ధోనీ మూడు టైటిల్స్‌ని అందించాడు. Read More: మహేంద్రసింగ్ ధోనీ కెప్టెన్సీలో సుదీర్ఘకాలం టీమిండియా తరఫున ఆడిన అశ్విన్.. ఐపీఎల్‌లోనూ చెన్నై సూపర్ కింగ్స్ టీమ్‌కి ఆడిన విషయం తెలిసిందే. అయితే.. ఐపీఎల్ 2020 సీజన్ కోసం అశ్విన్.. కింగ్స్ ఎలెవన్ పంజాబ్ టీమ్ నుంచి ఢిల్లీ క్యాపిటల్స్‌కి మారాడు. కానీ.. కరోనా వైరస్ కారణంగా ఈ ఏడాది ఐపీఎల్ నిరవధికంగా వాయిదాపడింది.
from Telugu News | తెలుగు వార్తలు | Latest News in Telugu https://ift.tt/2yOGdi6
Comments
Post a Comment