కల్లు లేని జీవితం వ్యర్థమని.. తెలంగాణలో ఆరుగురి మృతి.. ఆస్పత్రిలో నలుగురు

కరోనా వ్యాప్తిని అరికట్టేందుకు విధించిన లాక్‌డౌన్ మందుబాబుల పాలిట శాపంగా మారింది. దొరకడంలేదన్న ఆందోళనతో తెలంగాణలో అనేకమంది ఏకంగా ఆత్మహత్యలకు పాల్పడుతుండటం ఆందోళన కలిగిస్తోంది. కొందరు బలవంతంగా ప్రాణాలు తీసుకుంటుండగా.. మరికొందరేమో ఫిట్స్‌కు గురై చనిపోతున్నారు. మరికొందరేమో వింత ప్రవర్తనతో కొందరు కుటుంబసభ్యులను ఆందోళనకు గురి చేస్తున్నారు. శని, ఆదివారాల్లో రాష్ట్రంలో వేర్వేరు ప్రాంతాల్లో మొత్తం ఆరుగురు మరణించారు. నలుగురు ఆత్మహత్యాయత్నానికి పాల్పడ్డారు. Also Read: వికారాబాద్‌ జిల్లా తోరుమామిడికి చెందిన మొగులయ్య (38) శనివారం అర్ధరాత్రి దాటాక శ్రీనగర్‌ కాలనీలో ట్రాన్స్‌ఫార్మర్‌ను పట్టుకున్నాడు. తీవ్ర గాయాలతో అక్కడికక్కడే మరణించారు. వెల్లుర్తి మండలం మాసాయిపేటకు చెందిన కాశమైన కిష్టయ్య (76) తన ఇంట్లోనే దూలానికి ఉరివేసుకుని చనిపోయాడు. కామారెడ్డి జిల్లా జుక్కల్‌కు చెందిన రాజు (34), పటాన్‌చెరు మండలం ఇంద్రేశం గ్రామానికి చెందిన లక్ష్మయ్య(60)లు శనివారం రాత్రి కల్లు తాగేందుకని వెళుతూ మార్గమధ్యలో మూర్ఛవచ్చి పడిపోయారు. కుటుంబ సభ్యులు గమనించి వారిని ఇంటికి తీసుకురాగా ఆదివారం తెల్లవారుజామున మృతిచెందారు. మెదక్‌ జిల్లా చేగుంటకు చెందిన నత్తి మంగమ్మ (55) కల్లు లభించక మతిస్థిమితం కోల్పోయి ఇంట్లోనే కింద పడి తీవ్రంగా గాయాలపాలై చనిపోయింది. నిజాంపేట మండలం బచ్చురాజ్‌పల్లి గ్రామస్థుడు కిష్టయ్య (40) కుటుంబ సభ్యులంతా నిద్రపోయిన తరువాత ఇంట్లో నుంచి పారిపోయి స్థానిక చెరువులో దూకి ఆత్మహత్య చేసుకున్నాడు. Also Read: నలుగురి ఆత్మహత్యాయత్నం మహబూబ్‌నగర్‌ జిల్లా కొడంగల్‌‌కు చెందిన రాజు(40) హైదరాబాద్‌లోని ఖైరతాబాద్‌లో నివాసముంటున్నాడు. ఆదివారం చింతలబస్తీలో పోలీస్‌ అవుట్‌పోస్టు సమీపంలోని దుకాణాల ఎదుట మెట్లపై కూర్చుని బ్లేడుతో గొంతు కోసుకున్నాడు. సైఫాబాద్‌ పోలీసులు అతడిని వెంటనే ఉస్మానియా ఆస్పత్రికి తరలించారు. సంగారెడ్డి పట్టణ పరిధిలోని పోతిరెడ్డిపల్లికి చెందిన సాదుల్ల కిష్టయ్య మానసిక ఆందోళనతో ఆదివారం కత్తితో పొడిచుకుని గాయపర్చుకున్నాడు. భద్రాద్రి కొత్తగూడెం జిల్లా అశ్వారావుపేట మండలం పేరాయిగూడెంకు చెందిన మర్రివాడ రాంబాబు ఆదివారం కల్లు దొరక్క కత్తితో గొంతు కోసుకున్నాడు. పరిస్థితి విషమంగా ఉండటంతో కుటుంబసభ్యులు ఖమ్మం ప్రభుత్వాసుపత్రికి తరలించారు. హైదరాబాద్‌లో కార్పెంటర్‌ పనిచేసే రాంబాబు 15 రోజులుగా స్వగ్రామంలోనే ఉంటున్నాడు. మెదక్‌ జిల్లా చిన్నశంకరంపేటకు చెందిన నాగరాజు ఆదివారం పటాన్‌చెరులోని ఓ భవనం రెండో అంతస్తు నుంచి దూకి విద్యుత్తు తీగలపై పడ్డాడు. అతడిని స్థానికులు పటాన్‌చెరు ప్రభుత్వాసుపత్రికి తరలించారు.

from Telugu News | తెలుగు వార్తలు | Latest News in Telugu https://ift.tt/3bF02Xr