లాక్‌డౌన్ దెబ్బకు మందుబాబులకు కొత్త కష్టాలు వచ్చాయి. మద్యం షాపులు మూసివేయడంతో చుక్కపడక చుక్కలు కనిపిస్తున్నాయి. పశ్చిమగోదావరి జిల్లాలో మద్యం దొరక్క స్పిరిట్ తాగి ఓ యువకుడు చనిపోయాడు. పశ్చిమగోదావరి జిల్లాలో జరిగిన ఈ ఘటన తీవ్ర విషాదాన్ని నింపింది. ఆ యువకుడితో స్పిరిట్ తాగిన మరో ఇద్దరు కూడా ఆస్పత్రిలో చేరారు. తణుకు మండలం వేల్పూరుకు చెందిన నవీన్‌, వెంకటేష్, వీరేష్, దుర్గారావు, దుర్గాప్రసాద్, శ్యామ్ సుందర్‌లు స్నేహితులు. ఆదివారం వీరు పార్టీ చేసుకుందామనుకున్నారు.. కానీ మద్యం దొరకని పరిస్థితి. ఈ క్రమంలో మద్యం దొరక్కపోవడంతో ఓ ఐడియా వచ్చింది. వీరిలో వీరేష్ స్థానికంగా ఉన్న కెమికల్స్‌ కంపెనీలో గుమస్తాగా పని చేస్తున్నాడు.. కాబట్టి మార్చి 29న స్పిరిట్ తీసుకొచ్చాడు. ఐసోప్రొఫైల్‌ ఆల్కహాల్‌, దానిలో గ్లిజరిన్‌, హైడ్రోపెరాక్సైడ్‌ కలిపి ఒక ద్రావణంగా తయారు చేశారు. వారంతా ఆదివారం రాత్రి ద్రావణాన్ని తాగి ఎవరింటికి వారు వెళ్లిపోయారు. ఈనెల 30న కడుపులో మంట రావడంతో వీరేష్, వెంకటేష్, నవీన్‌లు తణుకులోని ఓ ప్రైవేటు ఆసుపత్రిలో చేరారు. వీరిలో చికిత్స పొందుతూ నవీన్‌ చనిపోయాడు. ఇదే సమస్యతో వెంకటేష్, వీరేష్ ఆసుపత్రిలో చికిత్స పొందుతున్నారు. వీరి ఆరోగ్య పరిస్థితి విషమంగా ఉందని డాక్టర్లు చెబుతున్నారు.
from Telugu News | తెలుగు వార్తలు | Latest News in Telugu https://ift.tt/39yIIla
Comments
Post a Comment