కరోనా అనుమానితుడి బరితెగింపు.. ఫ్రెండ్స్‌తో షికార్లు, లాఠీలతో వాయింపులు

హైదరాబాద్‌లోని ఓల్డ్ సిటీలో కొద్ది రోజుల క్రితం విదేశాల నుంచి వచ్చిన క్వారంటైన్ అనుమానితులు భయాదోళనలు రేకెత్తిస్తున్నారు. ఏకంగా రోడ్లపైకి వచ్చేసి రోడ్లపై తిరుగుతున్నారు. వారికి చేతులపై క్వారంటైన్ ముద్ర ఉండడం గమనార్హం. ఈ కరోనా అనుమానితులంతా పాతబస్తీ రోడ్లపై బహిరంగంగా తిరుగుతున్నారు. 8 రోజుల క్రితం లండన్ నుంచి వచ్చిన ఓ యువకుడికి 14 రోజుల పాటు హోం క్వారంటైన్‌లో ఉండాలని అధికారులు ఆదేశించారు. కానీ అతను అధికారుల మాటలేం పట్టించుకోకుండా విచ్చలవిడిగా రోడ్లపై తిరుగుతున్నాడు. రోజూ ఎంతో మందిని కలుస్తున్నాడు. ఇతను రోజూ స్నేహితులతో కలిసి కార్లలో చక్కర్లు కొడుతున్నాడు. ఇలాంటి ఆకతాయిలను అదుపు చేయడం పోలీసులకు తలనొప్పిగా మారింది. అంతేకాక, మరికొంత మంది బేవార్స్‌లు పోలీసుల లాఠీలతో జనాలను కొడుతున్నారు. పోలీసుల దాడులంటూ ఆ వీడియోలను సామాజిక మాధ్యమాల్లో పోస్టులు చేస్తుండడం కలకలం రేపుతోంది. లండన్ నుంచి వచ్చిన ఆ యువకుడికి చేతిపై హోం క్వారంటైన్ ముద్ర వేసినా దాన్ని కనిపించకుండా చేసి, విచ్చలవిడిగా రోడ్లపై తిరుగుతున్నాడు. రాష్ట్రంలో క‌రోనా పాజిటివ్ కేసులు మొత్తం 70కి చేరిన సంగతి తెలిసిందే. ఈ విషయాన్ని ఆదివారం రాత్రి ప్రెస్ మీట్లో సీఎం కేసీఆర్ ప్రకటించారు. అందులో 11 మంది బాధితుల‌కి చికిత్స అనంతరం నెగిటివ్ రిపోర్ట్ వ‌చ్చింద‌న్నారు. నిబంధనల ప్రకారం అన్ని పరీక్షలు పూర్తికాగానే వారిని డిశ్చార్జ్ చేస్తామ‌ని చెప్పారు. ఏప్రిల్ 7 నాటికి క‌రోనా ఫ్రీ తెలంగాణ అవుతుందని సీఎం ఆశాభావం వ్యక్తం చేశారు.

from Telugu News | తెలుగు వార్తలు | Latest News in Telugu https://ift.tt/2UrfSPo