కరోనా టెన్షన్, లాక్‌డౌన్‌తో పోలీసులంతా బిజీ అయ్యారు. సెలవులు కూడా లేకుండా విధులు నిర్వహిస్తున్నారు. అయితే డీజీపీ సిబ్బంది కోసం ఓ కీలక నిర్ణయం తీసుకున్నారు. రాష్ట్రంలో అనారోగ్యంతో ఉన్న పోలీస్ సిబ్బందికి లాక్‌డౌన్‌ విధులు అప్పగించొద్దని పోలీస్ అధికారులకు డీజీపీ గౌతమ్ సవాంగ్ ఆదేశించారు. క్షేత్రస్థాయిలో 55 సంవత్సరాలు పైబడిన పోలీస్ సిబ్బందికి లాక్‌ డౌన్‌ డ్యూటీ వేయొద్దన్నారు. ప్రధానంగా పోలీస్ సిబ్బందిలో హృద్రోగ, శ్వాస, మధుమేహం వంటి సమస్యలతో ఉన్నవారిని క్షేత్రస్థాయి విధులకు దూరంగా ఉంచాలన్నారు డీజీపీ గౌతమ్ సవాంగ్. అటువంటి వారికి పోలీస్ స్టేషన్, ఆఫీస్, కంట్రోల్‌ రూంలలో మాత్రమే విధులు కేటాయించాలని చెప్పారు. ఈ మేరకు ఉత్తర్వులు జారీ చేశారు.. ఇకపై వారికి విధులు వేయొద్దని క్లారిటీ ఇచ్చేశారు. ముందస్తు జాగ్రత్త, సిబ్బంది ఆరోగ్య పరిస్థితుల్ని దృష్టిలో పెట్టుకుని ఈ నిర్ణయం తీసుకున్నారు. మరోవైపు కరోనా రిలీఫ్ కోసం సాయం అందించేందుకు ఐఏఎస్‌లు ముందుకు వచ్చారు. రాష్ట్రం కోసం 3 రోజుల వేతనం ఇస్తున్నట్లు ఐఏఎస్‌ అధికారుల సంఘం జనరల్‌ సెక్రటరీ ప్రవీణ్‌కుమార్‌ తెలిపారు. ఆంధ్రప్రదేశ్‌ కేడర్‌కు చెందిన ప్రతి ఐఏఎస్‌ అధికారి మూడురోజుల వేతనం ఇస్తున్నట్లు తెలిపారు. అలాగే మరికొంతమంది సీఎం రిలీఫ్ ఫండ్‌కు సాయం అందిస్తున్నారు.
from Telugu News | తెలుగు వార్తలు | Latest News in Telugu https://ift.tt/2UqzxyY
Comments
Post a Comment