కరోనా పరీక్షలయ్యాకే కాపురం.. ఆదర్శంగా నిలిచిన కర్నూలు మహిళ

కరోనా వైరస్‌పై ప్రజల్లో క్రమంగా చైతన్యం పెరుగుతోంది. కొద్దిరోజుల క్రితం వరకు ప్రభుత్వ ఆదేశాలు పట్టించుకోని ప్రజలు తాజాగా స్వచ్ఛందంగా సూచనలు అమలు చేస్తూ శభాస్ అనిపించుకుంటున్నారు. తాజాగా జిల్లా ఆదోని మండలంలోని ఓ గ్రామానికి చెందిన వివాహిత తీసుకున్న నిర్ణయం ప్రశంసలు అందుకుంటోంది. గ్రామానికి చెందిన ఓ వ్యక్తి లారీ డ్రైవర్‌గా పనిచేస్తున్నాడు. ఇతర రాష్ట్రాలలకు సరుకు సరఫరా చేస్తూ నెలలో సగం రోజులే ఇంట్లో ఉంటాడు. లాక్‌డౌన్ కారణంగా డ్యూటీలు లేకపోవడంతో రెండ్రోజుల క్రితం తెలంగాణలోని మిర్యాలగూడ నుంచి ఇంటికి చేరుకున్నాడు. Also Read: అయితే అతడిని భార్య ఇంట్లోకి రానివ్వలేదు. వ్యాప్తి చెందుతున్న నేపథ్యంలో వైద్య పరీక్షలు చేయించుకున్నాకే తనతో కాపురం చేయాలని, అప్పటివరకు పిల్లలను కూడా కలవొద్దని సూచించింది. దీనికి భర్త ఒప్పుకోలేదు. నా ఇంట్లో ఉండేందుకు నీ పర్మిషన్ ఏంటి.. అంటూ నిర్లక్ష్యంగా మాట్లాడాడు. దీంతో కంగారు పడిన మహిళ.. నీకు కరోనా లక్షణాలు ఉంటే నాకు, పిల్లలకు సోకుతుందని చెప్పినా అతడు వినకుండా భార్యతో గొడవపడ్డాడు. Also Read: ఎంత చెప్పినా భర్త మాట వినకపోవడంతో ఆ మహిళ శనివారం ఆదోని టూటౌన్ పోలీసులకు ఫిర్యాదు చేసింది. దీంతో పోలీసులు ఆ దంపతులను ఆదోని ఏరియా ఆస్పత్రికి తరలించారు. డాక్టర్ లింగన్న భర్తకు ప్రాథమిక వైద్య పరీక్షలు నిర్వహించిన ఆదోనిలోని క్వారంటైన్ కేంద్రానికి పంపించారు. కరోనా వైరస్ వ్యాప్తిపై ప్రజల్లో పెరిగిన అవగాహనకు ఈ ఘటన సాక్ష్యంగా నిలుస్తోందని అధికారులు అంటున్నారు. మిగిలిన వారు కూడా ఇదే విధంగా అప్రమత్తంగా ఉంటే వైరస్ వ్యాప్తిని త్వరగా నిరోధించవచ్చని సూచిస్తున్నారు. Also Read:

from Telugu News | తెలుగు వార్తలు | Latest News in Telugu https://ift.tt/33UMhkQ