ఓవైపు కరోనా టెన్షన్.. మరోవైపు లాక్డౌన్ ఎఫెక్ట్ పెళ్లిళ్లపై పడింది. పాపం గ్రాండ్‌గా వివాహ వేడుక నిర్వహిద్దామని ఏర్పాట్లన్నీ చేసుకుంటే.. సీన్ మొత్తం రివర్స్ అయ్యింది. మార్చిలో చాలా ముహూర్తాలు నిలిచిపోయాయి.. పెళ్లిళ్లు ఆగిపోయాయి. వైరస్‌ వ్యాప్తిని కట్టడి చేసేందుకు జనం ఒకే చోట గుంపులు, గుంపులుగా లేకుండా ప్రభుత్వాలు ఆంక్షలు విధించింది. ఈ పరిస్థితుల్లో పెళ్లిళ్లు కష్టమైపోతున్నాయి. విశాఖపట్నం జిల్లా చోడవరం ఎమ్మెల్యే కరణంధర్మశ్రీకు కరోనా దెబ్బ తప్పలేదు. తన కుమార్తె సుమకు ఏప్రిల్‌ 4న విశాఖలో పెళ్లి చేసేందుకు భారీగా ఏర్పాట్లు చేసుకున్నారు. ఇంతలో కరోనా ప్రభావం, లాక్డౌన్ ప్రకటించడం వల్ల ఆ పెళ్లిని నవంబర్‌కు మార్చేశారు. ఈ ఏడాది మొత్తం మీద ఈ మూడు నెలల్లో 50 వేల నుంచి 60 వేల వరకు పెళ్లిళ్లు జరగాల్సి ఉండగా ఆగిపోయాయి. ఈ రెండు, మూడు నెలల ముందే ముహూర్తాలు నిశ్చయించుకున్నారు. కొందరు ఇప్పటికే శుభలేఖలు పంపిణీ చేశారు. ఏర్పాట్లలో నిమగ్నమయ్యారు. ఇంతలోనే కరోనా రూపంలో బ్రేకులు పడ్డాయి. ముందుగానే బుక్‌ చేసుకున్న ఫంక్షన్‌ హాళ్లు, కల్యాణ మండపాలు, హోటళ్లలో వేదికలను కూడా రద్దు చేసుకుంటున్నారు. ఇక పెళ్లికి సంబంధించి పురోహితులు, కేటరింగ్, డెకరేషన్, లైటింగ్, బ్యాండ్‌ మేళం, ఈవెంట్ నిర్వాహకులకు కష్టాలు తప్పడం లేదు. ఏవరైనా పెళ్లిళ్లు చేస్తుంటే అధికారులు నిలిపివేస్తున్నారు.
from Telugu News | తెలుగు వార్తలు | Latest News in Telugu https://ift.tt/3awdooK
Comments
Post a Comment