యువకుడిపై వేట కొడవళ్లతో దాడి.. కర్నూలులో కలకలం

జిల్లా కొలిమిగుండ్ల మండలంలోని కలువటాల గ్రామానికి చెందిన చిన్న సామేలు(26) అనే వ్యక్తిపై గుర్తుతెలియని వ్యక్తులు శనివారం వేటకొడవళ్లతో దాడిచేశారు. యోహాన్‌, రాజమ్మ దంపతులకు ఒక్కగానొక్క కుమారుడు చిన్న సామేలు. ప్రిజం సిమెంటు కర్మాగారంలో పనిచేస్తున్న అతడికి గతంలో అనంతపురం జిల్లా తాడిపత్రి మండలం బొందలదిన్నెకు చెందిన కేజియా అనే యువతితో వివాహం జరిగింది. వీరికి ఇద్దరు సంతానం. Also Read: రెండునెలల క్రితం దంపతుల మధ్య గొడవ జరగడంతో భార్య పుట్టింటికి వెళ్లిపోయింది. పెద్దలు ఇద్దరికీ సర్దిచెప్పడంతో కేజియా తిరిగి భర్త వద్దకు వచ్చేసింది. శనివారం సాయంత్రం విధులు ముగిసిన తర్వాత సామేలు తన సహోద్యోగి ప్రసాద్‌తో కలిసి బైక్‌పై ఇంటికి వెళ్తున్నాడు. ఈ క్రమంలోనే గ్రామ శివారులోని వంతెన వద్ద దారికాచిన వ్యక్తులు ఇద్దరి కళ్లల్లో కారం చల్లి దాడికి పాల్పడ్డారు. వారి నుంచి ప్రసాద్ తప్పించుకుని పారిపోగా సామేలును వేటకొడవళ్లతో నరికారు. తీవ్ర రక్తస్రావంతో సామేలు పడిపోగా చనిపోయాడనుకుని దుండగులు అక్కడి నుంచి వెళ్లిపోయారు. Also Read: వారి నుంచి తప్పించుకున్న ప్రసాద్ గ్రామంలోకి వెళ్లి విషయం చెప్పడంతో వారంతా అక్కడికి చేరుకుని సామేలును తాడిపత్రి ఆస్పత్రికి తరలించారు. సమాచారం అందుకున్న కోవెలకుంట్ల సీఐ సుబ్బరాయుడు, స్థానిక ఎస్సై హరినాథరెడ్డి సంఘటనా స్థలాన్ని పరిశీలించారు. ఈ ఘటనపై కేసు నమోదు చేసుకుని దర్యాప్తు చేపట్టినట్లు పోలీసులు తెలిపారు. ఈ దాడికి గల కారణాలపై ఆరా తీస్తున్నట్లు చెప్పారు. Also Read:

from Telugu News | తెలుగు వార్తలు | Latest News in Telugu https://ift.tt/37jRrHy