ఏపీలో గ్రూప్-1 పోస్టుల భర్తీకి సంబంధించిన వెబ్‌ఆప్షన్ల (ఫ్రిపరెన్సెస్) గడువును ఆంధ్రప్రదేశ్ పబ్లిక్ సర్వీస్ కమిషన్ పొడిగించింది. డిసెంబరు 31 వరకు పొడిగిస్తూ మంగళవారం (డిసెంబరు 24) అధికారిక ప్రకటన విడుదల చేసింది. అభ్యర్థులు గ్రూప్-1 మెయిన్ పరీక్షలకు సంబంధించి పరీక్ష కేంద్రాలు(3 ఆప్షన్లు), మీడియం (తెలుగు, ఇంగ్లిష్, ఉర్దూ), పోస్ట్-జోనల్/మల్టీజోనల్ ప్రిఫరెన్సెస్ ఇతర ఆప్షన్లను నమోదు చేయాల్సి ఉంటుంది. అభ్యర్థులు తమ ఓటీపీఆర్ ఐడీ ద్వారా లాగిన్ అయి ప్రిఫరెన్సెస్ ఇవ్వాల్సి ఉంటుంది. తాజాగా ఇచ్చిన ప్రాధాన్యాల ప్రకారమే పోస్టులకు ఎంపిక చేస్తారు కాబట్టి.. మెయిన్ పరీక్షకు అర్హత సాధించిన అభ్యర్థులందరూ పోస్ట్ ప్రిఫరెన్సెస్ పూర్తిచేయాల్సి ఉంటుంది. పోస్టుల ప్రిఫరెన్స్ కోసం వెబ్‌సైట్‌లో ప్రత్యేక లింక్‌ను ఏర్పాటు చేశారు. అభ్యర్థులు తమ వన్‌టైమ్ ప్రొఫైల్ రిజిస్ట్రేషన్ ఐడీ నెంబరుతో లాగిన్ తమ ప్రాధాన్యాలను నమోదుచేయాల్సి ఉంటుంది. ముందుగా ప్రకటించిన షెడ్యూలు ప్రకారం డిసెంబరు 12 నుంచి 23 వరకు గ్రూప్-1 మెయిన్స్ పరీక్షలు నిర్వహించాల్సి ఉంది. అయితే అనివార్య కారణాల వల్ల పరీక్షలను వాయిదావేసిన సంగతి తెలిసిందే. ప్రిలిమ్స్‌ నుంచి మెయిన్స్ పరీక్షలకు 1 : 12 లేదా 1 : 15 నిష్పత్తిలో మాత్రమే అభ్యర్థులను ఎంపికచేయనున్నట్లు ఏపీపీఎస్సీ గతంలో ప్రకటించింది. దీనిప్రకారం కేవలం 1500 నుంచి 1600 వరకు అభ్యర్థులు మాత్రమే మెయిన్స్ పరీక్షకు అర్హత సాధిస్తారు. అయితే గ్రూప్-1 ప్రధాన పరీక్షలకు 1 : 50 నిష్పత్తిలో అభ్యర్థులను ఎంపిక చేయాలని ప్రభుత్వం నిర్ణయించడంతో ఏపీపీఎస్సీ ఆ మేరకు అభ్యర్థులను ఎంపికచేసింది. దీంతో మొత్తం 8,351 మంది అభ్యర్థులు మెయిన్స్ పరీక్షకు అర్హత సాధించారు.
Read Also: ఏపీపీఎస్సీ నవంబరు 12న వెల్లడించిన కొత్త షెడ్యూలు ప్రకారం వచ్చే ఏడాది ఫిబ్రవరి 4 నుంచి 16 వరకు గ్రూప్-1 పరీక్షలు నిర్వహించనున్నారు. మొత్తం 7 సెషన్లలో పరీక్షలు జరుగనున్నాయి.
గ్రూప్-1 పరీక్ష షెడ్యూలు..
| పరీక్ష |
పరీక్ష తేదీ |
| తెలుగు పేపర్ (అర్హత పరీక్ష) |
04.02.2020 |
| ఇంగ్లిష్ పేపర్ (అర్హత పరీక్ష) |
05.02.2020 |
| పేపర్-1 |
07.02.2020 |
| పేపర్-2 |
10.02.2020 |
| పేపర్-3 |
12.02.2020 |
| పేపర్-4 |
14.02.2020 |
| పేపర్-5 |
16.02.2020 |
✪ పోస్టుల సంఖ్య: 169పోస్టుల వివరాలు..
| పోస్టులు |
పోస్టుల సంఖ్య |
| డిప్యూటి కలెక్టర్లు(ఏపీ సివిల్ సర్వీస్) |
30 |
| అసిస్టెంట్ కమిషనర్ ఆఫ్ స్టేట్ ట్యాక్స్(ఏపీ స్టేట్ ట్యాక్స్ సర్వీస్) |
08 |
| డిప్యూటీ సూపరింటెండెంట్ ఆఫ్ పోలీస్-సివిల్(ఏపీ పోలీస్ సర్వీస్) |
28 |
| డిప్యూటీ సూపరింటెండెంట్ ఆఫ్ జైల్స్(ఏపీ జైల్ సర్వీస్) |
02 |
| డిస్ట్రిక్ట్ ఫైర్ ఆఫీసర్స్(ఏపీ ఫైర్ సర్వీస్) |
01 |
| అసిస్టెంట్ ట్రెజరీ ఆఫీసర్/ అసిస్టెంట్ అకౌంట్స్ ఆఫీసర్(ఏపీ ట్రెజరీ & అకౌంట్స్ సర్వీస్) |
13 |
| రీజినల్ ట్రాన్స్‌పోర్ట్ ఆఫీసర్స్(ఏపీ ట్రాన్స్‌పోర్ట్ సర్వీస్) |
05 |
| అసిస్టెంట్ ప్రొహిబిషన్ & ఎక్సైజ్ సూపరింటెండెంట్(ఏపీ ఎక్సైజ్) |
11 |
| ఎంపీడీవో(ఏపీ పంచాయత్ రాజ్ & రూరల్ డెవలప్‌మెంట్ సర్వీస్) |
48 |
| డిస్ట్రిక్ట్ రిజిస్ట్రార్స్(ఏపీ రిజిస్ట్రేషన్ సర్వీస్) |
01 |
| డిస్ట్రిక్ట్ ఎంప్లాయిమెంట్ ఆఫీసర్(ఏపీ ఎంప్లాయ్‌మెంట్ ఎక్స్ఛేంజ్ సర్వీస్) |
02 |
| డిప్యూటీ రిజిస్ట్రార్స్(ఏపీ కోఆపరేటివ్ సర్వీస్) |
02 |
| డిస్ట్రిక్ట్ ట్రైబల్ వెల్ఫేర్ ఆఫీసర్(ఏపీ ట్రైబల్ వెల్ఫేర్ సర్వీస్) |
01 |
| డిస్ట్రిక్ట్ సోషల్ వెల్ఫేర్ ఆఫీసర్(ఏపీ సోషల్ వెల్ఫేర్ సర్వీస్) |
01 |
| డిస్ట్రిక్ట్ బీసీ వెల్ఫేర్ ఆఫీసర్(ఏపీ బీసీ వెల్ఫేర్ సర్వీస్) |
01 |
| డిస్ట్రిక్స్ పంచాయత్ ఆఫీసర్స్(ఏపీ పీఆర్ఆర్‌డీఎస్) |
01 |
| మున్సిపల్ కమిషనర్ (గ్రేడ్-II)(ఏపీ మున్సిపల్ అడ్మినిస్ట్రేషన్ సర్వీసెస్) |
01 |
| అడ్మినిస్ట్రేటివ్ ఆఫీసర్/ లే సెక్రటరీ & ట్రెజరర్ (గ్రేడ్-II)(ఏపీ మెడికల్ & హెల్త్ (అడ్మినిస్ట్రేషన్) సర్వీస్) |
06 |
| అసిస్టెంట్ ఆడిట్ ఆఫీసర్(ఏపీ స్టేట్ ఆడిట్ సర్వీస్) |
07 |
| మొత్తం ఖాళీలు (పాతవి -44, కొత్తవి - 125) |
169 |
Read More:➦ ➦
from Telugu News | తెలుగు వార్తలు | Latest News in Telugu https://ift.tt/360Y6WU
Comments
Post a Comment