‘కోయిలమ్మ’ సీరియల్ : చిన్నీకి తీరని అవమానం! ‘కడుపులో ఉన్నది ఎవరి బిడ్డ?’

అమర్ మనసులో చిచ్చు పెట్టి.. లేని పోని అనుమానాలు కలిపిస్తూ చిన్నీని నెమ్మదిగా అమర్‌కి దూరం చేయాలని ప్రయత్నిస్తున్నారు సింధూ, ఇంద్రజలు. ఇదంతా తెలియని చిన్నీ మాత్రం.. సమీర్‌తో ఇంకా ఇంకా క్లోజ్‌గా ఉంటూ అమర్ అనుమానానికి ఊతమిస్తోంది. అయితే మొత్తం కథలో రమేష్ చంద్ర ఇన్‌వాల్వ్ కావడంతో కథ ఆసక్తిగా మారింది. తెలుగులోగిల్లో సరికొత్త రాగాలను పలిగిస్తున్న కథ (అక్టోబర్ 25) ఎపిసోడ్‌లో ఏం జరిగిందో చూద్దాం! గత ఎపిసోడ్‌లో జరిగిన కథ.. బయటికి వెళ్లిన చిన్నీ, లక్ష్మీని కలుసుకుంటుంది. వాళ్లిద్దరినీ సమీర్ చూసి.. ‘హాస్పెటల్‌కి వెళ్తున్నారనే విషయం తెలుసుకుని.. నేను తీసుకుని వెళ్తాను వదినా రండీ’ అంటూ కారులో తీసుకుని వెళ్తుంటాడు. అమర్ కారుకు ఎదురు పడిన సమీర్ కారులో సమీర్ పక్కనే చిన్నీని చూసి షాక్ అవుతాడు అమర్. వెంటనే ఇంటికి వచ్చేసరికి.. సింధూ.. ‘వాళ్లు ఇద్దరు ఒకరికోసం ఒకరు బయటికి వెళ్లి.. వేరు వేరుగా వెళ్లినట్లుగా బిల్డప్ కొడుతున్నారు’ అంటూ అమర్‌కి ఎక్కిస్తుంది. దాంతో అమర్ రమేష్ చంద్ర దగ్గరకు పరుగున వెళ్లి ఏడుస్తూ.. ‘డాడీ నాది అనుమానం కాదు డాడీ.. నిజంగానే సమీర్ చిన్నీలు మన దగ్గర బయటపడకుండా బయట కలుస్తున్నారు.. ఇప్పుడు చిన్నీ, సమీర్‌లు వేరు వేరుగా వెళ్లారని సింధూ చెప్పింది. కానీ వాళ్లిద్దరూ కలిసి వెళ్లడం నేను నా కళ్లారా చూశాను’ అంటాడు. రమేష్ చంద్ర షాక్ అవుతాడు. 697 ఎపిసోడ్‌లో హైలైట్స్‌..అమర్ బాధని అర్థం చేసుకున్న రమేష్ చంద్ర.. అమర్‌ని ఓదారుస్తాడు. ‘నువ్వు తప్పుగా ఆలోచించకు అమర్.. చిన్నీ నిజంగానే సీతమ్మ తల్లిలాంటిదని, నీ తమ్ముడు లక్ష్మణుడేనని నువ్వు నమ్మే రోజు వస్తుంది’ అంటూ ధైర్యం చెబుతాడు. దాంతో అమర్ ఏడుస్తూనే.. ‘ఆ రోజు త్వరగా రావాలని నేను కూడా కోరుకుంటున్నాను డాడీ’ అంటాడు. చిన్నీ, లక్ష్మీలను హాస్పెటల్ దగ్గర దింపిన సమీర్.. ‘నేను కారు పార్క్ చేసి వస్తాను.. మీరు వెళ్లండి’ అంటాడు. ‘నువ్వు వద్దులే సమీర్.. డాక్టర్ దగ్గరకు వెళ్లాక నిజంగానే శుభవార్త అయితే నీకు కాల్ చేసి చెబుతాంలే’ అంటుంది లక్ష్మీ నవ్వుతూ. ‘శుభవార్తా? అంటే మీరు ఏం అంటున్నారు?’ అంటూ ఆరా తీస్తాడు సమీర్. Read Also: ‘కొత్తగా పెళ్లి అయిన వాళ్లకి శుభవార్త అంటే ఏముంటుందో నీకు తెలియనిదా సమీర్’ అంటుంది లక్ష్మీ. ‘అవునా.. మా వదిన తల్లికాబోతుందా..? ఈ విషయం నేను కూడా తెలుసుకుంటాను.. పదండి ఆంటీ ప్లీజ్’ అంటూ బతిమలాడి వాళ్ల వెంటనే డాక్టర్ దగ్గరకు వెళ్తాడు సమీర్. ఇంట్లో అమర్‌కి చిన్నీ ఎక్కించగా.. మనోరమా రమేష్ చంద్రకు అనుమానం కలిగేలా ఓ స్టోరీ చెబుతాడు. ‘ఓ నెల రోజులు మన డ్రైవర్ రంగడు రాడట అన్నయ్యా.. వాడికి ఇద్దరు కొడుకులు కదా.. పెద్ద కొడుకు భార్యతో చిన్న కొడుకు అక్రమసంబంధం పెట్టుకున్నాడట. అది తెలిసి వాళ్ల పెద్ద కొడుకు ఆత్మహత్య చేసుకున్నాడట. విషయం బయటపడేసరికి వాళ్లు ఇద్దరూ కూడా ఆత్మహత్య చేసుకున్నారట.. ఇలాంటి కష్టం పగవాడికి కూడా రాకూడదు అన్నయ్యా’ అంటూ రమేష్ చంద్ర మనసు మరింత పాడు చేసేస్తుంది. ‘చిన్నీ వాళ్ల అమ్మని కలిసి చిన్నీ పెళ్లి ముందు ఏం జరిగిందో తెలుసుకోవడం మంచిది’ అనుకుంటాడు రమేష్ చంద్ర. చిన్నీ, సమీర్‌లు స్వీట్ బాక్స్ తీసుకుని ఇంటికి వస్తారు. ‘వదినా నువ్వు అన్నయ్యకు విషయం చెప్పు.. నేను డాడీకి చెబుతాను’ అంటాడు సమీర్. దాంతో చిన్నీ అమర్ కోసం పరుగుతీస్తుంది. అమర్ అక్కడ లేకపోవడంతో అంతా వెతుకుతుంది. ఇంతలో రూమ్‌లోంచి బయటికి వచ్చిన అమర్‌ని చూసిన సమీర్.. ‘వదిన చెప్పేసి ఉంటుందిలే విషయం స్వీట్ తినిపిద్దాం’ అనుకుంటూ స్వీట్ తినిపించి.. ‘నువ్వు తండ్రివి కాబోతున్నందుకు చాలా ఆనందంగా ఉంది అన్నయ్యా’ అంటాడు. అమర్, సింధూలు షాక్ అవుతారు. రమేష్ చంద్ర దగ్గరకు వెళ్లిన చిన్నీ కాళ్ల మీద పడి ఆశీర్వాదం తీసుకుంటుంది. వెంటనే ‘ఇంత మంచి అమ్మాయిని అమర్ అనుమానిస్తున్నాడా?’ అనుకుంటాడు రమేష్ చంద్ర మనసులో.. తర్వాత ‘మీ అమ్మగారి నంబర్ ఇవ్వమ్మా..’ అంటూ లక్ష్మీ ఫోన్ నంబర్ తీసుకుంటాడు రమేష్ చంద్ర. తర్వాత చిన్నీ మనసులో.. ‘ముందు అమర్‌కి విషయం చెప్పి.. తర్వాత ఆయన చేతే మావయ్యగారికి ఈ శుభవార్త చెప్పిచాలి’ అనుకుంటుంది. వెంటనే అమర్‌కి చెప్పినట్లుగా.. అమర్ చాలా హ్యాపీగా ఫీల్ అయినట్లుగా కల కంటూ ఉంటుంది చిన్నీ. కమింగ్ అప్‌లో..చిన్నీ, అమర్ల ముందే సింధూ సమీర్‌ని నిలదీస్తుంది. ‘అసలు నువ్వెందుకు అంత ఆనందపడిపోతున్నావ్? చిన్నీ కడుపులోని బిడ్డకు నువ్వా తండ్రివి? లేక అమర్ బావగారా?’ అంటూ రగిలిపోతుంది. ఆ మాటలకు చేయి లేపిన సమీర్.. ‘నువ్వు ఈ ఇంట్లో ఉండటానికి వీళ్లేదు’ అంటూ బయటికి గెంటేస్తాడు సింధూని. దాంతో సింధూ ఆవేశంగా.. ‘నువ్వే కాదు ఈ ఇంట్లోంచి నన్ను ఎవరూ పంపలేదు. ఇది నా ఇళ్లు’ అంటూ అక్కడే పొగరుగా కూర్చుని ఉంటుంది. మరిన్ని వివరాలు తరువాయి భాగంలో చూద్దాం! కోయిలమ్మ కొనసాగుతోంది.

from Telugu News | తెలుగు వార్తలు | Latest News in Telugu https://ift.tt/2qGPHb6