TSBIE: ఇంటర్ పరీక్ష ఫీజు చెల్లింపు తేదీలు వెల్లడి

తెలంగాణలో ఇంటర్‌ ప్రథమ, ద్వితీయ సంవత్సరం వార్షిక పరీక్షల ఫీజు చెల్లింపు తేదీలను ఇంటర్ బోర్డు ప్రకటించింది. ఈ మేరకు ఇంటర్ బోర్డు కార్యదర్శి సయ్యద్ ఒమర్ జలీల్ గురువారం (సెప్టెంబరు26) ఒక అధికారిక ప్రకటన విడుదల చేశారు. దీని ప్రకారం విద్యార్థులు సెప్టెంబర్‌ 26 నుంచి అక్టోబరు 29 వరకు పరీక్ష ఫీజు చెల్లించవచ్చు. ఇంటర్ రెగ్యులర్ విద్యార్థులతో పాటు.. గతంలో ఫెయిలైన విద్యార్థులు (ఫెయిల్, ఒకేషనల్), ప్రైవేట్ విద్యార్థులు ఫీజు చెల్లించాల్సి ఉంటుంది. అయితే ఆలస్య రుసుముతో డిసెంబరు 16 వరకూ పరీక్ష ఫీజు చెల్లించడానికి అవకాశం కల్పించారు. ఆలస్యు రుసుముతో ఇలా..➦ రూ.100 ఆలస్య రుసుముతో అక్టోబరు 30 నుంచి నవంబరు13 వరకు ఫీజు చెల్లించవచ్చు. ➦ రూ.500 ఆలస్య రుసుముతో నవంబరు 14 నుంచి నవంబరు 25 వరకు ఫీజు చెల్లించవచ్చు. ➦ రూ.1000 ఆలస్య రుసుముతో నవంబరు 26 నుంచి డిసెంబరు 5 వరకు ఫీజు చెల్లించవచ్చు. ➦ రూ.2000 ఆలస్య రుసుముతో డిసెంబరు 6 నుంచి డిసెంబరు 16 వరకు ఫీజు చెల్లించవచ్చు. అయితే ఫీజు వివరాలను మాత్రం ఇంటర్ బోర్డు వెల్లడించలేదు. గతేడాది ప్రాక్టికల్స్‌ లేని గ్రూపులకు చెందిన విద్యార్థులు రూ.460, ప్రాక్టికల్స్‌ ఉన్న విద్యార్థులు రూ.620 పరీక్ష ఫీజుగా చెల్లించారు. ఇదే ఫీజు ఈసారి కూడా కొనసాగే అవకాశం ఉంది. పరీక్ష ఫీజు, ఇతర వివరాలను విద్యార్థులు సంబంధిత కళాశాలల ప్రిన్సిపాళ్ల నుంచి తెలుసుకోవచ్చు.

from Telugu News | తెలుగు వార్తలు | Latest News in Telugu https://ift.tt/2mRHnDI