‘కార్తీకదీపం’ సెప్టెంబర్ 30 ఎపిసోడ్ : ‘లవ్యూ డాక్టర్ బాబూ!’ దీప బర్త్‌డే చేస్తానని మాటిచ్చి నిలుపుకోని కార్తీక్..

దీప కార్తీక్‌లు విడిపోయి ఎనిమదేళ్లు దాటింది. దీప కార్తీక్ కావాలని తాపత్రయపడుతుంటే.. కార్తీక్ మాత్రం దీపని శాశ్వతంగా వదిలించుకోవాలని ప్రయత్నిస్తున్నాడు. అయితే తన దగ్గర పెరుగుతున్న హిమ కూడా దీప కూతురేనని కార్తీక్‌కి తెలియదు. దీప దగ్గర పెరుగుతున్న సౌర్యకి కార్తీకే తన తండ్రి అని తెలియదు. దాంతో కథ ఆసక్తిగా నడుస్తోంది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (సెప్టెంబర్ 30) రాత్రి ఎపిసోడ్‌లో ఏం జరిగిందో ‘సమయం’లో మీకోసం ముందుగానే. గత ఎపిసోడ్‌లో ఏం జరిగిందంటే..‘శ్రావ్య వాళ్ల నాన్నగారిని (దీప తండ్రి మురళీ కృష్ణ) తిట్టి పంపించావా అన్నయ్యా?’ అంటూ ఆదిత్య హిమకి అర్థం కాకుండా కార్తీక్‌కి అర్థమయ్యేలా నిలదీస్తాడు. దాంతో సౌందర్య, ఆనందరావులు కూడా కార్తీక్‌ని తిడతారు. వెంటనే కోపంగా కంచంలోనే చేయి కడుక్కుని పైకి వెళ్లిపోతాడు కార్తీక్. హిమ ‘తిను డాడీ తిను డాడీ’ అన్నా పట్టించుకోకుండా వెళ్లిపోవడంతో.. హిమ అందరినీ నిలదీస్తుంది. ‘నాన్నమ్మా నీకు డాడీ అంటే ఎందుకు ఇష్టముండదు?’ అంటూ ఏదేదో ప్రశ్నలు వేసి తిట్టి, ఏడుస్తూ వెళ్లిపోతుంది. దాంతో సౌందర్య బాధగా.. ‘తెలిసి వాడికే శత్రువుని అవుతున్నాననుకున్నానండీ.. ఇప్పుడు ఈ పసిదానికి కూడా శత్రువుని అయిపోతునండీ’ అంటూ ఏడుస్తుంది. 613 ఎపిసోడ్‌లో హైలైట్స్‌..సౌందర్య కార్తీక్‌కి భోజనం పైకి తీసుకుని వెళ్లి.. ‘రేయ్ తినరా.. ప్లీజ్.. నన్ను ఇంకా బాధపెట్టకు.. నీకు నా మనసు ఏంటో అర్థం కాకపోతే ఈ ప్రపంచంలో ఎవరికీ అర్థం కానురా.. నువ్వైనా నన్ను అర్థం చేసుకోరా’ అంటుంది బాధగా. అప్పుడే వాష్‌రూమ్‌లోంచి వచ్చిన హిమా.. ఆ భోజనాన్ని చూసి.. ‘ఎందుకొచ్చావ్ నాన్నమ్మా? నేను పెడతానులే రేపటి నుంచి భోజనం. నువ్వు వెళ్లి తాతయ్యా, బాబాయ్‌ల సంగతి చూసుకో’ అంటూ తిట్టి పంపించేస్తుంది. తల్లి ఏడుస్తూ వెళ్లిపోతున్నా కార్తీక్ హిమ ముందు ఆపలేకపోతాడు. ఆ సీన్‌లో సెంట్‌మెంట్ బాగా పండింది. డాడీ.. నువ్వు తిను అంటూ తినిపిస్తూ.. ‘అవును డాడీ.. మురళీ కృష్ణ తాతయ్య మంచివారు కదా.. ఎందుకు తిట్టారు మీరు?’ అని అడుగుతుంది. (పెళ్లికి ముందు సీన్) ‘అది నేను ఓ విషయం(నాకు పిల్లుల పుట్టరు అని) చెప్పి ఓ ముఖ్యమైన వ్యక్తి(దీప)కి చెప్పమన్నాను. అతడు చెప్పలేదు. అందుకే ఓ పెద్ద తప్పు జరిగింది. అందుకే తిట్టానమ్మా’ అంటూ మనసులో ఉన్న అసలు విషయం చెప్పకుండానే హిమకి అర్థమయ్యేలా చెబుతాడు. దాంతో హిమా.. ‘అంతేలే నువ్వు మంచివాడివిగా.. లేదంటే ఊరికే ఎందుకు తిడాతావ్?’ అంటూ సమర్థిస్తుంది. వెంటనే కార్తీక్ కూడా.. ‘హిమా.. నువ్వు కూడా మంచిదానిలానే ఉండాలి.. నాన్నమ్మని ఇంకెప్పుడూ అలా మాటలు అనకూడదు. ఎందుకంటే ఈ లోకంలో అందరికంటే మీ నాన్నమ్మంటే చాలా ఇష్టం. ఆమెని ఎవరైనా ఏమైనా అంటే నేను తట్టుకోలేను. పెద్దవాళ్లం మేమూ మేమూ ఏమైనా అనుకుంటాం. అలాంటి విషయాల్లో నువ్వు చిన్నపిల్లవిగా కలుగజేసుకోకూడదు’ సరేనా అంటాడు ప్రేమగా.. ‘సరే డాడీ.. ఇంకెప్పుడూ నాన్నమ్మని ఏం అనను’ అంటుంది హిమ. సౌర్యని నిద్రపుచ్చుతున్న దీప ఊహల్లోకి వెళ్తుంది. పెళ్లి అయిన కొత్తలో.. దీప ఓ గిఫ్ట్ ప్యాకెట్ చేస్తూ ఉంటుంది. కార్తీక్ వచ్చి ‘ఎవరికి అది అని అడిగితే.. ఆదిత్య బర్త్‌డే కదా.. అందుకే షాప్‌కి వెళ్లి కొని తెచ్చాను’ అంటుంది. అయితే ప్రేమగా భుజానికి భుజం రుద్దుతూ.. ‘మరి నీ బర్త్‌డే ఎప్పుడు?’ అని అడుగుతాడు కార్తీక్. అవును అది అడగానికి ఎందుకు అలా రుద్దుతున్నారు? అంటుంది దీప. పెళ్లి అయిన కొత్తలో అంతే దీపా.. అంటూ రుద్దుతూనే ఉంటాడు. మరి పెళ్లి అయిన పాతలో? అని అడుగుతుంది దీప. అప్పుడు భర్తలు ఎలా ప్రవర్తిస్తారో యాక్టింగ్ చేసి చూపించి దీపని నవ్విస్తాడు కార్తీక్. ‘చెప్పు దీపా.. నీ బర్త్‌డే ఎప్పుడు?’ అంటాడు మళ్లీ. ‘నేను పుట్టినప్పుడు.. నా బారసాలకి 3 నెలలు ముందు’ అంటూ కాసేపు ఆట పట్టించిన దీప.. చివరికి ‘మా అమ్మ చనిపోయిన రోజు’ అంటూ ఎమోషనల్ అవుతుంది. ‘నా బర్త్ డే చెయ్యాలో మా అమ్మ ఆర్ధికం చెయ్యలో తెలియని మా నాన్న.. స్నేహితులకి చాక్లెట్స్ కొనివ్వమని.. రెండు రూపాయలు ఇచ్చేవాడు’ అని చెబుతుంది దీప. దాంతో కార్తీక్ కళ్లు తుడుచుకుని.. ‘ఈ సారి నీ బర్త్‌డే ఎప్పుడో చెప్పు దీపా’ అంటూ బతిమలాడతాడు. అయిపోయిందండీ అంటుంది దీప. అవునా.. సరే.. నెక్ట్ ఇయర్ నీ బర్త్‌డేని ఫైవ్‌స్టార్ హోటల్‌లో నువ్వు జీవితంలో మరిచిపోలేనంత గ్రాండ్‌గా చేస్తాను’ అంటూ చేతిలో చేయి వేసి మాటిస్తూనే.. ‘మరి ఛీప్ గెస్ట్ ఎవరో తెలుసా?’ అంటాడు నవ్వుతూ.. ‘ఎవరండీ?’అంటుంది దీప. ‘మా అమ్మ’ అని చెప్పగానే.. ‘అత్తగారా?’ అంటూ గుండెల మీద చేయి వేసుకుని భయంగా.. ‘అసలు నేను పుట్టడం వల్లే మీ భార్యని అయ్యానని కోపం తెచ్చుకునే ఆమెని నా బర్త్‌డేకి పిలుస్తారా?’ అంటుంది ఆశ్చర్యంగా.. ‘అవన్నీ నీకెందుకు దీపా.. నెక్ట్స్ ఇయర్ బర్త్‌డేకి మా అమ్మ వస్తుంది. అంతే’ అంటాడు నమ్మకంగా.. వెంటనే దీప కార్తీక్ భుజం మీద వాలి.. ‘లవ్యూ డాక్టర్ బాబూ’ అంటుంది. ఆ ఊహల నుంచి ప్రస్తుతానికి వచ్చిన దీప.. ‘ధ్వేషించే అత్తగారు ప్రేమించడం మొదలు పెట్టారు. కానీ ప్రేమించే మీరు ధ్వేషించడం మొదలుపెట్టారు.. ఎందుకు డాక్టర్ బాబూ? ఆ ప్రేమ అంతా ఏమైపోయింది’ అని బాధపడుతుంది. సౌందర్య హిమ మాటలను తలుచుకుంటూ నిద్రపోకుండా ఆలోచిస్తుంది. ఆనందరావు ఆమె బాధని పొగొట్టి పొడుకునేలా ధైర్యం చెబుతాడు. తెల్లారే దీప లేచేసరికి సౌర్య పక్కనే ‘వెల్‌కమ్ డాడీ’ అనే డ్రాయింగ్ చార్ట్స్ ఉంటాయి. వాటిని చూసి.. దీప బాగా ఏడుస్తుంది. ‘పసి దానికి లేనిపోని ఆశలు పెట్టానా? ఇప్పుడు ఏం చెయ్యాలి?’ అంటూ ఆలోచిస్తుంది. సౌందర్య టిఫిన్ తినకుండా కూర్చుంటుంది. అది తెలుసుకున్న కార్తీక్ తినిపించేందుకు ప్లేట్‌లో టిఫిన్ తీసుకుని వస్తాడు. ‘నాకేమీ వద్దు’ అంటుంది సౌందర్య. కమింగ్‌ అప్‌లో..హిమ కార్తీక్‌తో స్కూల్‌లో నడుస్తుంది. కాస్త దూరంలో దీప స్కూల్ బాక్స్‌లు ఇస్తూ కనిపిస్తుంది. దాంతో వంటలక్కా.. అని పరుగు తీస్తుంది. ‘నీ బర్త్‌డేకి కేక్ పంపాలనుకుంటున్నాం. నీ పేరు ఏంటి వంటలక్కా?’ అని అడుగుతారు టీచర్స్.. హిమ కూడా ఆసక్తిగా చూస్తూ.. ‘అసలు ఎప్పుడూ నీ పేరు అడగలేదు.. నీ పేరు ఏంటి వంటలక్కా?’ అంటుంది. అదంతా గమనిస్తున్న కార్తీక్‌కి.. గతంలో ‘మీ అమ్మ పేరు దీప.. అచ్చం నీలానే ఉంటుంది’ అని హిమకి చెప్పిన మాటలు గుర్తుకొస్తాయి. ‘ఇప్పుడు ఇది(దీప) నా పేరు దీప అని చెబితే ఏంటి పరిస్థితి?’ అని ఆలోచించుకుంటాడు కార్తీక్ టెన్షన్ పడుతూ. కొనసాగుతోంది. మరిన్ని వివరాలు తరువాయి భాగంలో చూద్దాం!

from Telugu News | తెలుగు వార్తలు | Latest News in Telugu https://ift.tt/2mM0MGv