‘కార్తీకదీపం’ సెప్టెంబర్ 25 ఎపిసోడ్ : బర్త్‌డే రోజు నాన్నని చూపించకపోతే ఊరుకోనన్న సౌర్య.. ధీమాగా దీప!?

దీప కూతురు సౌర్యకి నీ నాన్న ఎవరో నా బర్త్‌డే రోజున చూపిస్తానని మాటిచ్చింది. అయితే కార్తీక్ మాత్రం సౌర్య తన కూతురు కాదని బలంగా నమ్ముతున్నాడు. ఈ పరిస్థితుల్లో సౌర్యకి నిజం తెలిస్తే కార్తీక్ ఎలా రియాక్ట్ అవుతాడు అనేది ఆసక్తిగా మారింది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (సెప్టెంబర్ 25) రాత్రి ఎపిసోడ్‌లో ఏం జరిగిందో ‘సమయం’లో మీకోసం ముందుగానే. గత ఎపిసోడ్‌లో ఏం జరిగిందంటే..‘అత్తయ్యా.. ఆ మౌనిత బావగారు(కార్తీక్)తో ఉన్నంత కాలం దీప అక్క కాపురం చక్కబడదు’ అంటుంది శ్రావ్య సౌందర్యతో. ‘నేనూ అదే ఆలోచిస్తున్నానే.. ఆ మౌనితనే కార్తీక్‌ని కనీసం ఆలోచించుకునే అవకాశం కూడా ఇవ్వకుండా మనసు చెడగొడుతుంది. ఆ మౌనిత గురించి నేను ఆలోచిస్తున్నాను’ అంటుంది సౌందర్య శ్రావ్యతో.. బాధగా ఇంటికి చేరుకున్న దీపని సౌర్య ‘అమ్మా.. నేను ప్లకార్డ్స్ తయారు చేస్తున్నాను. అమ్మకు హ్యాపీ బర్త్‌డే.. నాన్నకు స్వాగతం అని నీదీ ఇంకా నాన్నది పాస్‌పోర్ట్ సైజ్ ఫొటో ఇవ్వు’ అంటుంది. దాంతో దీప షాక్ అవుతుంది. అప్పుడే వచ్చిన వారణాసి కూడా షాక్ అవుతాడు. 608 ఎపిసోడ్‌లో హైలైట్స్‌..‘ఫొటోస్ ఏం లేవమ్మా’ అంటుంది దీప ధీనంగా.. దాంతో సౌర్య కోపంతో ‘ఏదోటి చూడమ్మా.. మీ పెళ్లి ఫొటోస్ అయినా ఉంటాయిగా’ అని అరుస్తుంది. దాంతో దీపకి కోపం వచ్చి. ‘లేవని చెబుతుంటే అరుస్తావేంటీ? లేవు’ అంటుంది చిరాగ్గా. ‘ఏంటి కోప్పడుతున్నావ్? ఈ రోజంటే ఊరుకున్నాను కానీ.. నీ బర్త్‌డే రోజు నాన్నని చూపించనంటే ఊరుకోను చెబుతున్నా.. రేయ్ వారణాసి కేక్ ఆర్డర్ ఇద్దాం పదా’ అంటూ అక్కడ నుంచి వెళ్లిపోతుంది. వారణాసి కూడా వెనుకే వెళ్తాడు. దాంతో దీప అక్కడే కూలబడి బాగా ఏడుస్తుంది. హిమ, సౌందర్యలు దీప ఇంటికి బయలుదేరతారు. ‘డాడీ.. వంటలక్క ఇంటికి వెళ్తున్నాం’ అని చెబుతుంది. దాంతో కార్తీక్ ‘ఈ టైమ్‌లోనా’ అంటాడు కాస్త ఆశ్చర్యంగా.. వెంటనే సౌందర్య.. ‘పండిత భాగవతలు వేదాంత శర్మగారికి ఒకసారి ఫోన్ చేయిరా..’ అంటుంది. దాంతో ‘ఆయనకెందుకు మమ్మీ?’ అంటాడు కార్తీక్ అనుమానంగా.. ఆయన చేత ముహూర్తం పెట్టించుకుని ఆ టైమ్‌కి వెళ్తాం. అప్పుడు కూడా ఈ టైమ్‌లోనా అని ముఖం చిట్లించుకుంటే ముఖం పచ్చడైపోద్ది’ అంటూ కోప్పడుతుంది. వెంటనే సీరియస్‌గా పైకి లేచిన కార్తీక్ రెండు సెకన్స్‌లో సౌందర్య కాళ్ల మీద పడి ‘నన్ను క్షమించు మమ్మీ.. అలా అడిగినందుకు’ అంటాడు. వెంటనే సౌందర్య, హిమలు బాగా నవ్వుతారు. ఆ సీన్ బాగా కామెడీగా ఉంటుంది. Read also: ‘డాడీ.. వంటలక్క బర్త్‌డేని సౌర్య చేయబోతుంది తెలుసా?’ అంటే కార్తీక్.. ‘ఆ రౌడీ అంతే.. దానికి వంటలక్క సౌర్యకి రిటర్న్ గిఫ్ట్ ఏం ఇస్తుందో తెలుసా?’ అంటుంది. పక్కనే సౌందర్య నిలబడి ఉంటుంది. కార్తీక్ తీరిగ్గా సోపాలో కూర్చుని.. ‘ఏం ఇస్తుందటా? కొత్తిమీర కట్టా?’ అంటాడు కూల్‌గా.. ‘కాదు డాడీ.. వాళ్ల నాన్న ఎవరో చూపిస్తుందట’ అని హిమ చెప్పగానే కార్తీక్ ముఖంలో రంగులు మారతాయి. వెంటనే సౌందర్య వాటర్ బాటిల్ కార్తీక్ చేతికి ఇచ్చి.. హిమని తీసుకుని బయలుదేరుతుంది. అక్కడ సౌర్య దీప పుట్టినరోజుకు కావాల్సిన ఏర్పాట్లు అన్నీ వారణాసితో కలిసి చేస్తుంది. మురళీ కృష్ణ కార్తీక్ దగ్గరకు వచ్చి కార్తీక్ కాళ్ల మీద పడిపోతాడు. ‘బాబూ నా మనమరాలు నా కూతురు బర్త్‌డే చేయబోతుంది. ఇప్పుడు మీరు నా మనవరాలికి తండ్రిలా ఆ ఒక్కరోజు నిలబడండి చాలు’ అంటూ వేడుకుంటాడు. ‘ఒక్కరోజు ఒప్పుకుంటే తర్వాత నా పరిస్థితి ఏంటి?’ అంటూ నిలదీస్తాడు కార్తీక్ మురళీ కృష్ణని. దాంతో మురళీ కృష్ణ ‘నా కూతురు ఏ తప్పు చేయలేదు బాబూ’ అంటూ బాగా ఏడుస్తూ వేడుకుంటాడు. Read also: ‘మురళీ కృష్ణగారూ.. ఈ రోజు నాకు ఇన్ని నీతులు చెబుతున్నారు కదా.. ఆ రోజు నా ఇంట్లోంచి అడుగు బయటపెట్టిన దీప.. మీ ఇంటికి వస్తే.. నాకు పిల్లలు పుట్టరనే నిజం తెలిసిన మీరు.. దీప తప్పు చేసిందని ఆ రోజు నమ్మారు కదా.. మరి ఈ రోజు మీరు మారిపోయి... నన్ను మార్చాలని ప్రయత్నిస్తున్నారు ఎందుకు? ఏ రోజైతే మీరు దీపని గెంటేశారో.. ఆ రోజే అది మీ సమస్య కాదు. మా వ్యక్తిగత సమస్య అయిపోయింది’ అంటూ కోపంగా చెబుతాడు కార్తీక్. కమింగ్‌ అప్‌లో..‘ఎలా తీసుకొస్తావే నా కొడుకుని సౌర్యకి చూపించడానికి.’ అని అడుగుతుంది సౌందర్య దీపని. దాంతో దీప చాలా ధీమాగా.. ‘ఆ బంధమే అతడి(కార్తీక్)ని లాక్కొస్తుంది అత్తయ్యా కంగారు పడకండి’ అంటుంది. సౌందర్య ‘అలా ఎలా ధైర్యంగా చెబుతావే?’ అంటూ తిడుతున్న సమయంలో హిమ అక్కడికి రావడంతో ఆ విషయం వదిలేసి.. ‘హిమా.. ఏమైంది? నిద్ర వస్తుందా?’ అంటుంది ప్రేమగా.. దాంతో హిమా.. ‘నాన్నమ్మా.. డాడీని కూడా ఇలానే ప్రేమగా చూసుకునే దానివా? మరి ఇప్పుడెందుకు అసలు పట్టించుకోవడం లేదు.. పాపం డాడీ.. ఒక్కడే ఉంటున్నాడు. ఒక్కడే తింటున్నాడు’ అంటూ బాధగా అంటుంది. కొనసాగుతోంది. మరిన్ని వివరాలు తరువాయి భాగంలో చూద్దాం!

from Telugu News | తెలుగు వార్తలు | Latest News in Telugu https://ift.tt/2kWJrJX