కార్తీక్ పెట్టిన గడువు పూర్తైపోతోంది. నాన్నమ్మ ఇంట్లో ఉంటున్న సౌర్య.. దీప దగ్గరకు వచ్చేసింది. ఈ పరిస్థితుల్లో దీప తన కాపురం ఎలా నిలబెట్టుకుంటుందనేది ఆసక్తిగా మారింది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (ఆగస్టు 27) రాత్రి ఎపిసోడ్‌లో ఏం జరిగిందో ‘సమయం’లో మీకోసం ముందుగానే. గత ఎపిసోడ్‌లో ఏం జరిగిందంటే..రెస్టారెంట్‌కి వెళ్లిన కార్తీక్, సౌందర్యలు ఎప్పటిలానే.. మాటల యుద్దం చేసుకుంటారు. తర్వాత సౌందర్య.. నువ్వు దీప కలిసి సత్యనారాయణ వ్రతం చెయ్యాలని చెబుతుంది. అందుకు కార్తీక్ షాక్ అవుతాడు. ఒక్కసారిగా పైకి లేచి.. ఏం మాట్లాడుతున్నావ్ మమ్మీ అంటూ అరుస్తాడు. తర్వాత కాస్త కూల్ చేసిన సౌందర్య.. కార్తీక్ చేతిని ప్రేమగా తన చేతుల్లోకి తీసుకుని ప్రేమగా నిమురుతూ.. ‘ఈ చెయ్యికి ఉన్న పవర్ నీకు తెలియదు నాన్నా.. ఇది నాకు ఆపదలో అబయాస్తం..’ అంటూ ఏదేదో మాట్లాడుతూ.. ఒక్కసారిగా కార్తీక్ చేతిని తన నెత్తిమీద పెట్టేసుకుంటుంది. కార్తీక్ షాక్ అవుతాడు. 584 ఎపిసోడ్‌లో హైలైట్స్‌..‘మమ్మీ ఏంటిది?’ అంటాడు కార్తీక్ సౌందర్యతో.. ‘నువ్వు దీపతో కలిసి సత్యనారాయణ వ్రతం చెయ్యాల్సిందే. అందుకే ఒట్టుపెట్టుకుంటున్నా సుపుత్రా.. ఇది నువ్వు నేర్పించిన విధ్యే’ అంటుంది సౌందర్య. దాంతో కార్తీక్ అయిష్టంగానే వ్రతం చెయ్యడానికి ఒప్పుకుంటాడు. అయితే ‘వ్రతం మన ఇంట్లోనే జరగాలి’ అని కండీషన్ పెడతాడు. అందుకు సౌందర్య సంతోషంగా ఒప్పుకుంటుంది. సౌర్య కోసం ఆదిత్య, హిమా, ఆనందరావులు కంగారు పడుతూ ఉంటారు. ఇంట్లో, ఇంటి బయట వెతుకుతూ ఉంటారు. అయినా సౌర్య కనిపించదు. దీప.. ఇంటికి వెళ్లేసరికి సౌర్య గుమ్మం ముందు కూర్చుని ఉంటుంది. షాక్ అయిన దీప.. కాస్త మభ్యపెట్టి.. సౌర్యని బయటే ఉంచి.. ఇంట్లోని కార్తీక్ బట్టలు, ఇతర వస్తువులు సౌర్యకు కనిపించకుండా దాచి.. సౌర్యని లోపలికి పిలుస్తుంది. ఇంట్లోకి వెళ్లిన సౌర్య... బ్యాగ్ పక్కన పెట్టి.. కార్తీక్ గోడ మీద వేసిన నంబర్స్ చూసి ‘అవి ఏంటమ్మా? నంబర్స్ వేసుకున్నావ్?’ అని అడుగుతుంది. దీప సమాధానం చెప్పలేక మొదట టెన్షన్ పడుతుంది. తర్వాత ‘నువ్వు నన్ను చూడకుండా ఎన్ని రోజులు ఉండగలవని లెక్కలు వేసుకున్నానమ్మా.. నువ్వేమో ఐదు రోజుల్లోనే నన్ను ఓడించేశావ్’ అంటుంది దీప. ‘సారీ అమ్మా.. నా వల్ల కాలేదు’అంటూ దీపని గట్టిగా పట్టుకుంటుంది. ‘ఏం కాదురా.. నువ్వు వెళ్లి ఫ్రెష్ అయ్యిరా..’ అని సౌర్యని లోనికి పంపించి సౌందర్యకి ఫోన్ చేసి ‘సౌర్య ఇక్కడకి వచ్చిందని.. ఏం ప్రశ్నలు వేస్తుందోనని భయంగా ఉంది’ అని చెబుతుంది. దాంతో కంగారుపడిన సౌందర్య.. ఇంటికి వెళ్లి హిమని తీసుకుని.. దీప ఇంటికి వస్తుంది. అయితే అప్పటికే పక్కింటి సరోజక్కతో సౌర్య రావడం గురించి.. చెప్పి భయపడుతుంది దీప. ఇంతలో సౌందర్య హిమని తీసుకుని రావడం చూసిన సౌర్య.. ‘అమ్మా.. నాన్నమ్మ వస్తోంది. నేను అక్కడికి వెళ్లను నీతోనే ఉంటాను’ అని బాధగా దీపని హగ్ చేసుకుంటుంది. అయితే సౌందర్య కోపంగా సౌర్యని తిడుతుంది. ‘ఇంట్లో చెప్పకుండా అలా వచ్చేస్తే.. మేము ఎంత భయపడతాం?’ అంటూ కోప్పడుతుంది. అయితే సౌర్య దీపని వదిలిపెట్టకుండా.. ‘నేను ఇక్కడే ఉంటాను నాన్నమ్మా.. అక్కడికి రాను’ అని బెట్టు చెయ్యడంతో.. సౌందర్య.. నవ్వుతూ.. ‘సరేలే మిమ్మల్ని ఇద్దరినీ నాగార్జున సాగర్ పంపిద్దామనుకున్నాను.. కానీ నువ్వు రానంటున్నావ్ కదా.. పోనీలే వదిలెయ్య’అంటూ రివర్స్‌గా మాట్లాడటంతో సౌర్య కాస్త మెత్తపడింది. కమింగ్‌ అప్‌లో... అయితే సౌర్య,హిమలు దీప ఇంటి దగ్గరే ఉన్నారు. బయట ఆడకుంటూ ఉంటారు. ఇంతలో కార్తీక్ వచ్చి.. భోజనానికి కూర్చుంటాడు. దీప టెన్షన్ పడుతూ భోజనం వడ్డిస్తోంది. అయితే హిమ ఆడుకుంటూ ఆడుకుంటూ కిటికీలోంచి కార్తీక్‌ని చూసి డాడీ..? అంటుంది. పక్కకే సౌర్య కూడా వచ్చి లోనికి చూస్తుంది. దీప కార్తీక్ అన్నం వడ్డించడం చూసి.. షాక్ అవుతారు ఇద్దరు. కొనసాగుతోంది. మరిన్ని వివరాలు తరువాయి భాగంలో చూద్దాం!
from Telugu News | తెలుగు వార్తలు | Latest News in Telugu https://ift.tt/2PgamyK
Comments
Post a Comment